Raaghyn Creeney 13:5 - Yn Vible Casherick 1775 1819

⁵ Ta dwoaie ec y dooinney ynrick er breagyn: agh ta’n peccagh mee-chrauee feohdoil, as cheet gys nearey.

Raaghyn Creeney 13:5 ပူးပေါင်းရင်းမြစ်များ

Psalmyn 119:163

Er son breagyn, ta feoh as dwoaie aym orroo: agh shynney lhiam dty leigh.

Raaghyn Creeney 13:4

Ta annym y litcher geearree: agh cha vel eh cosney monney: agh bee annym y vooinjer tarroogh jeant sonney.

Raaghyn Creeney 18:3

Raad ta’n mee-chrauee cheet, ta faghid neesht cheet mârish, as oltooan lesh scammylt.

Raaghyn Creeney 3:35

Yiow yn chloan chreeney gloyr ayns eiraght, agh bee nearey er ooashley ny ommydanyn.

Raaghyn Creeney 30:8

Scugh foddey voym fardalys as breagyn: ny cur dou edyr boghtynid ny berchys, jean mee magh lesh beaghey cooie er my hon:

Raaghyn Creeney 6:17

Shilley moyrnagh, chengey vreagagh, as laueyn ta deayrtey yn uill neu-chyndagh.

Ecclesiastes 3:8

Traa dy chur graih, as traa dy chur dwoaie: traa dy chaggey, as traa dy hee.

Ezekiel 20:43

As ayns shen nee shiu cooinaghtyn er nyn raaidyn, as ooilley nyn yannoo, ayndoo ta shiu er ve oolee, as bee shiu dwoaiagh ayns ny sooillyn eu hene, son ooilley ny huilk ta shiu er chur-rish.

Ezekiel 36:31

Eisht nee shiu cooinaghtyn er ny drogh raaidyn eu hene, as er nyn aghtyn, nagh row mie, as ver shiu feoh diu hene ayns nyn shilley hene, son nyn ghrogh-yannoo, as son ooilley nyn obbraghyn eajee.

Ezekiel 6:9

As nee ny scapailtee jiuish cooinaghtyn orrym’s, mastey ny ashoonyn, ayns cheer nyn gappeeys, er-yn-oyr dy vel mee seaghnit lesh nyn greeaghyn maarderagh, t’er nyn scarrey voym’s, as lesh nyn sooillyn, ta geiyrt er maarderys lurg nyn yallooyn: as ver ad dwoaie daue hene son ooilley ny huilk shen t’ad er n’yannoo, lesh ooilley nyn obbraghyn eajee.

Daniel 12:2

As nee ymmodee jeusyn, ta cadley ayns joan ny hooirey, doostey, paart gys bea dy bragh farraghtyn, as paart gys nearey as oltooan dy bragh farraghtyn.

Zechariah 11:8

Yiare mee jeh three bochillyn myrgeddin ’syn un vee, as v’adsyn dwoaie my annym’s, as va mish myrgeddin dwoaie yn annym ocsyn.

Ephesianee 4:25

Shen-y-fa treigeil breagyn, lhig da dy chooilley ghooinney yn irriney y loayrt rish e naboo: son ta shin oltyn yn derrey yeh jeh’n jeh elley.

Colossianee 3:9

Ny jean-jee breg ry-cheilley, fakin dy vel shiu er chur j’iu yn chenn ghooinney marish e obbraghyn;

Ashlish 21:8

Agh adsyn ta faitagh, as mee-chredjuagh, as adsyn ta cur rish obbraghyn dwoaiagh, as dunveryn, as maarderee, as fir-obbee, as jallooderyn, as dy chooilley vreagerey, yiow nyn gronney ’sy logh ta lossey lesh aile as brimstone: shen y nah vaase.

Briwnyn 16:11

As dooyrt eh r’ee, My nee ad m’y chiangley dy shickyr lesh coyrdyn noa nagh row rieau ayns use, eisht beem’s moal myr dooinney erbee elley.