Raaghyn Creeney 13:4 - Yn Vible Casherick 1775 1819

⁴ Ta annym y litcher geearree: agh cha vel eh cosney monney: agh bee annym y vooinjer tarroogh jeant sonney.

Raaghyn Creeney 13:4 ပူးပေါင်းရင်းမြစ်များ

Genesis 26:32

As haink eh gy-kione yn laa cheddin, dy daink sharvaantyn Isaac, as dinsh ad da my chione y chibbyr v’ad er chleiy; as dooyrt ad rish, Ta shin er gheddyn ushtey.

Psalmyn 92:14

Dy vod ad soilshaghey cre cha firrinagh as ta’n Chiarn my niart: as nagh vel veg y neu-ynrickys aynsyn.

Raaghyn Creeney 10:4

T’eh cheet gys boghtynid ta dellal lesh laue lhag: agh ta laue yn er tarroogh jannoo berchagh.

Raaghyn Creeney 11:25

Bee’n dooinney feoiltagh jeant magh lesh sonnys, as eshyn ta gushtaghey, bee eh-hene er ny ooraghey.

Raaghyn Creeney 12:11

Bee eshyn ta laboragh e halloo jeant magh lesh arran: agh eshyn ta taaghey marish stroialtee, t’eh laccal tushtey.

Raaghyn Creeney 12:24

Nee yn laue jeidjagh gymmyrkey reill, agh bee yn mee-rioosagh fo keeshyn.

Raaghyn Creeney 12:27

Cha vel yn er-liastey gaarlagh shen, ghow eh ayns shelg: agh ta cooid dooinney frioosagh bannaght da.

Raaghyn Creeney 13:3

Eshyn ta smaghtaghey e veeal, t’eh freayll e vioys: agh eshyn ta fosley lhean e veillyn, hig eh gys toyrt-mow.

Raaghyn Creeney 13:5

Ta dwoaie ec y dooinney ynrick er breagyn: agh ta’n peccagh mee-chrauee feohdoil, as cheet gys nearey.

Raaghyn Creeney 20:4

Cha jean y litcher traaue kyndagh rish y feayraght; shen-y-fa shooylee eh ny thieyn ’syn ouyr, agh cha vow eh monney.

Raaghyn Creeney 21:25

Ta mian y litcher dy choyrt eh naardey, son ta e laueyn chea obbyr.

Raaghyn Creeney 21:5

Ta kiarail y dooinney jeidjagh leeideil gys sonnys: agh ta’n fer siyragh roie gour e vullee gys boghtynid.

Raaghyn Creeney 24:30

Hie mee shaghey magher y litcher, as liorish garey-feeyney yn ommydan.

Raaghyn Creeney 24:31

As cur-my-ner, ve ooilley er n’aase harrish lesh drineyn, as va’n slane eaghtyr echey coodit lesh undaagagh, as va’n voalley chloaie er duittym.

Raaghyn Creeney 26:13

Ta’n litcher dy ghra, Ta lion ’sy raad; ta lion ayns ny straïdyn.

Raaghyn Creeney 28:25

Eshyn ta jeh cree mooaralagh, t’eh doostey anvea: agh eh verrys e varrant er y Chiarn, bee eh jeant magh lesh sonnys.

Raaghyn Creeney 6:6

Immee gys y sniengan, uss chadlag, smooinee er ny raaidyn ecksh, as gow keeayl.

Raaghyn Creeney 8:34

S’maynrey’n dooinney, ta dy my chlashtyn, ta er e arrey gagh laa ec my yiattyn, farkiaght ec essynyn my ghorrys.

Arrane Solomon 5:3

Ta mee er choyrt jee’m my gharmadyn, kys yioym ad moom? ta mee er niee my chassyn, kys nee’m ad y vroghey?

Isaiah 58:11

As nee yn Chiarn oo y leeideil dy kinjagh, as nee eh dty annym y ooraghey ayns y ghortey, as jannoo magh dty chraueyn lesh smuir; as bee oo goll-rish garey ushtit, as myr farrane ushtey ta geill dy kinjagh.

Earrooyn 23:10

Quoi oddys coontey joan Yacob, as earroo yn chiarroo ayrn jeh Israel? Lhig dooys baase y dooinney cairagh y gheddyn, as lhig da jerrey my vea ve casley rish yn jerrey echeysyn.

Noo Ean 6:27

Ny bee-jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.

Hebrewnee 6:11

As ta shin geearree dy jean dagh unnane eu soilshaghey yn imnea cheddin, son y slane shickyrys dy hreishteil gys y jerrey:

Joshua 7:3

As hyndaa ad gys Joshua, as dooyrt ad rish, Ny lhig da ooilley yn pobble goll seose; agh lhig da mysh ghaa ny three dy housaneyn dooinney goll seose, as Ai y ghoaill, as ny cur y doccar er ooilley’n pobble dy gholl gys shen; son cha vel ad mooarane.