Raaghyn Creeney 13:25 - Yn Vible Casherick 1775 1819

²⁵ Ta’n dooinney cairal gee dy yannoo magh e yeearree: agh bee bolg ny mee-chrauee shang.

Raaghyn Creeney 13:25 ပူးပေါင်းရင်းမြစ်များ

Psalmyn 103:5

Ta jannoo magh dty veeal lesh nheeghyn mie: jannoo oo aeg as lajer myr urley.

Psalmyn 132:15

Shoh’n raad vee’m ec fea, son dy bragh: ayns shoh nee’m cummal, son ta mee goaill boggey ayn.

Psalmyn 34:10

Ta ny lionyn ayns feme, as gennaghtyn accyrys: agh adsyn ta shirrey yn Chiarn, cha bee ad laccal nhee erbee dy vel mie.

Psalmyn 37:16

Ta’n red fardalagh t’ec y dooinney cairagh: ny share na berchys vooar ny mee-chrauee.

Psalmyn 37:3

Cur uss dty varrant er y Chiarn, as jean dy mie: jean cummal ayns y cheer, as bee oo dy firrinagh er dty yannoo magh.

Raaghyn Creeney 10:3

Cha lhig y Chiarn da annym yn er-crauee dy gholl naardey: agh t’eh skeayley cooid ny drogh-yantee.

Raaghyn Creeney 13:18

Ta boghtynid as nearey ny chour-syn obbys ynsagh: agh eshyn ver geill da oghsan, hig eh jeh dy mie.

Raaghyn Creeney 24:34

Myr shen hig dty voghtynid ort myr troailtagh; as dty ymmyrch myr roosteyr caggee.

Raaghyn Creeney 6:11

Myr shen hig dty voghtynid ort, myr troailtagh, as dt’eme myr dooinney-caggee.

Noo Luke 15:14

As tra va ooilley baarit echey, dirree genney vooar ayns y cheer shen; as ren eh toshiaght dy ve ayns feme.

Deuteronomy 28:48

Shen-y-fa, nee oo shirveish dty noidyn, ver y Chiarn dt’oï, ayns genney arran, as ushtey, rooisht, as ayns feme jeh dy chooilley nhee: as ver eh yn whing yiarn er dty wannal, derrey t’eh er dty choyrt mow.

Deuteronomy 32:24

Bee ad losht lesh gortey, as er nyn stroie lesh smarageyn loshtee, as lesh toyrt-mow atchimagh: lhig-ym feayshlit orroo myrgeddin feeacklyn beishtyn feïe, lesh pyshoon ard-nieughyn ny hooirey.

2 Thessalonianee 3:10

Son dy jarroo tra va shin mêriu, hug shin yn sarey shoh diu, Fer erbee nagh jinnagh gobbraghey, nagh lhisagh eh gee.

1 Timothy 4:8

Er son shirveish y challin cha vooar yn ymmyd t’ayn: agh ta craueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry-heet.

Hebrewnee 13:5

Lhig da’n ymmyrkey-bea eu ve fegooish saynt; as bee-jee booiagh lesh lheid as t’eu: son t’eh er ghra, Cha vaag-ym, ny cha dreig-ym oo dy bragh.