Raaghyn Creeney 13:22 - Yn Vible Casherick 1775 1819

²² Ta dooinney mie faagail eiraght da cloan e chlienney: as ta cooid y drogh-yantagh stoyrit cour yn er-cairagh.

Raaghyn Creeney 13:22 ပူးပေါင်းရင်းမြစ်များ

Ezra 9:12

Nish er-y-fa shen, ny cur-jee ny inneenyn euish da ny mec ocsyn, chamoo gow-jee ny inneenyn oc da ny mec euish, chamoo shir-jee yn shee oc, ny nyn voays, son dy bragh; dy vod shiu ve niartal, as soylley ’ghoaill jeh’n cheer, as faagail eh son eiraght da nyn gloan, son dy bragh.

Psalmyn 102:28

Nee cloan dty harvaantyn tannaghtyn: as shassee yn sluight oc shickyr ayns dty hilley.

Psalmyn 112:2

Bee yn sluight echey niartal er y thalloo: bee bannaght cour yn vooinjer ynrick.

Psalmyn 128:6

Nee yn Chiarn magh ass Sion myr shen oo y vannaghey: dy vaik oo Jerusalem ayns maynrys ooilley laghyn dty vea;

Psalmyn 37:25

Va mee aeg, as nish ta mee shenn: as foast cha vaik mee rieau yn dooinney cairagh treigit, chamoo e luight shooyl ny dhieyn.

Raaghyn Creeney 17:6

Ta cloan chlienney ooashley da shenn gheiney: as ta ayraghyn gloyr nyn gloan.

Raaghyn Creeney 28:8

Eshyn ta liorish use trome, as cosney mee-chairagh, bishaghey e chooid, nee eh chaglym er e hon-syn, ghoys chymmey er ny boghtyn.

Ecclesiastes 2:26

Son ta Jee cur creenaght as tushtey, as gerjagh da’n dooinney ta mie ayns e hilley: agh da’n drogh ghooinney t’eh coyrt imnea, dy haglym as dy chruinnaghey cooid, dy ve faagit dasyn ta mie ayns shilley Yee. Ta shoh myrgeddin fardail as seaghney cree.