Raaghyn Creeney 13:20 - Yn Vible Casherick 1775 1819

²⁰ Eshyn ta taaghey marish deiney creeney, bee eh creeney: agh bee sheshey ommydanyn currit naardey.

Raaghyn Creeney 13:20 ပူးပေါင်းရင်းမြစ်များ

Genesis 14:12

As ghow ad Lot mac braarey Abram (va cummal ayns Sodom) as e chooid, as jimmee ad roue.

1 Reeaghyn 12:10

As loayr ny deiney aegey va troggit mârish, gra, Shoh myr nee oo gansoor yn pobble shoh loayr rhyt, gra, Ren dty ayr yn whing ain trome, agh jean uss eh ny s’eddrym dooin; shoh myr nee oo loayrt roo, Bee my vair-veg ny s’chee na slheeasid my ayrey.

1 Reeaghyn 12:8

Agh hreig eh coyrle ny shenn gheiney, as ghow eh coyrle jeh ny deiney aegey va troggit mârish, as hass kiongoyrt rish;

1 Reeaghyn 22:32

As haink eh gy-kione, tra honnick captanyn ny fainee Jehoshaphat, dy dooyrt ad, Son shickyrys, she ree Israel t’ayn. As hyndaa ad dy lhiattee dy chaggey n’oï: as deïe Jehoshaphat magh.

1 Reeaghyn 22:4

As dooyrt eh rish Jehoshaphat, Jed uss mârym’s gys y chaggey noi Ramoth-gilead? As dooyrt Jehoshaphat rish ree Israel, Ta mish myr t’ou uss, my phobble myr dty phobble’s, my chabbil myr ny cabbil ayd’s.

2 Recortyssyn 10:8

Agh cha ghow eshyn coyrle ny shenn gheiney, as ghow eh coyrle jeh ny deiney aegey, v’er ve troggit mârish, va shirveish kiongoyrt rish.

2 Recortyssyn 19:2

As hie Jehu mac Hanani yn fakyder magh ny whail, as dooyrt eh rish ree Jehoshaphat, Cre v’ayd’s dy yannoo ayns cooney lesh ny mee-chrauee, as dy hassoo lhieusyn ta dwoaie oc er y Chiarn? shen-y-fa ta’n Chiarn neu-wooiagh jeed.

2 Recortyssyn 22:4

Er-y-fa shoh ren eh olk ayns shilley’n Chiarn, myr ren thie Ahab: son lurg baase e ayrey, adsyn va ny fir-choyrlee echey, gys e hoyrt-mow.

Psalmyn 119:63

Ta mee my heshey dauesyn ooilley ta goaill aggle royd: as ta freayll dty annaghyn.

Raaghyn Creeney 13:19

Ta’n yeearree cooilleenit eunyssagh da’n annym: agh te feohdoil da ny mee-chrauee dy haghney yn olk.

Raaghyn Creeney 14:7

Ny jean sheshaght rish dooinney ommijagh, my t’ou cur-my-ner nagh vel aynsyn ny meillyn dy hushtey.

Raaghyn Creeney 15:31

Yn chleaysh ta coyrt geill da oghsan y vea, te lhiantyn gys y vooinjer chreeney.

Raaghyn Creeney 22:24

Ny jean caardys rish dooinney fargagh, as ny jean sheshaght rish fer anveagh.

Raaghyn Creeney 22:25

Er-aggle dy n’ynsee oo ny aghtyn echey, as dy dayrn oo ribbey er dty annym.

Raaghyn Creeney 7:27

Ta’n thie eck yn raad gys niurin, goll sheese gys shamyryn y vaaish.

Raaghyn Creeney 9:6

Treig-jee yn vooinjer ommijagh, as bee-jee bio: as immee-jee ayns y raad dy chreenaght.

Malachi 3:16

Eisht loayr adsyn, va goaill aggle roish y Chiarn, dy mennick ry-cheilley, as deaisht y Chiarn, as cheayll eh, as va lioar imraa scruit kiongoyrt rish, er y hon ocsyn va goaill aggle roish y Chiarn, as va gimraa er e ennym.

Jannoo 2:42

As ren ad tannaghtyn ayns ynsagh as sheshaght ny hostyllyn, as ayns brishey arran, as ayns padjeryn.

Hebrewnee 10:24

As lhig dooin smooinaghtyn dy dowin ry-cheilley, dy ghreinnaghey gys graih, as gys obbraghyn mie:

Ashlish 18:4

As cheayll mee coraa elley veih niau, gra, Tar-jee magh ass-jee, my phobble, nagh bee shiu sheshaghyn mâree ayns e peccaghyn, as nagh gow shiu ayrn jeh’n kerraghey dewil eck.