Raaghyn Creeney 13:2 - Yn Vible Casherick 1775 1819

² Yiow dooinney soylley dy chooid vie liorish mess e veeal: agh bee dewilys cronney anmeenyn ny drogh-yantee.

Raaghyn Creeney 13:2 ပူးပေါင်းရင်းမြစ်များ

Psalmyn 140:11

Cha jig y feanish foalsey er y hoshiaght er y thalloo: nee olk yn dooinney tranlaasagh y helg gys e hoyrt-mow.

Psalmyn 75:8

As cre’n-oyr? she Jee yn briw: t’eh cur sheese fer, as soiaghey seose fer elley.

Raaghyn Creeney 1:18

As t’ad soiaghey ribbaghyn son yn uill oc hene, t’ad lhie cooyl-chlea dy follit noi nyn mioys hene.

Raaghyn Creeney 1:31

Shen-y-fa nee ad gee jeh mess y raad oc hene, as bee nyn yeeilley oc jeh nyn groutyn hene

Raaghyn Creeney 10:11

Ta beeal y dooinney cairagh chibbyr dy vioys: agh nee tranlaase coodaghey eddin y vee-chrauee.

Raaghyn Creeney 11:23

Ta yeearree yn dooinney cairal ynrycan son mie: agh bee treishteil y drogh-yantagh ayns anvea.

Raaghyn Creeney 12:14

Bee dooinney jeant magh lesh mieys, liorish mess e veeal, as rere obbyr e laueyn bee dooinney cooilleenit.

Raaghyn Creeney 18:20

Bee jollys dooinney jeant magh lesh mess e veeal: as lesh bishagh e veillyn bee eh er ny ooraghey.

Raaghyn Creeney 18:21

Ta baase as bioys ayns pooar y chengey, as nee dooinney farrail rere myr t’eh jannoo ymmyd jeh.

Raaghyn Creeney 4:17

Son t’ad gee arran y vee-chraueeaght, as giu feeyn y dewilys.

Hosea 10:13

Ta shiu er hraaue mee-chraueeaght, ta shiu er vuinn mee-chairys, ta shiu er n’ghoaill nyn soogh ayns y vess dy vreagyn; son dy dug oo dty varrant er dty raad hene, as er earroo dty gheiney niartal.

Habakkuk 2:17

Son nee tranlaase Lebanon uss y choodaghey: as spooilley maase hug aggle ayndoo, kyndagh rish fuill deiney, as tranlaase y cheer, yn ard-valley, as ooilley ny ta cummal ayn.

Habakkuk 2:8

Er-yn-oyr dy vel uss er roostey ymmodee ashoonyn, nee ooilley fooilliagh yn phobble uss y roostey: kyndagh rish fuill deiney, as son tranlaase y cheer, yn ard-valley, as adsyn ooilley ta cummal ayn.

Ashlish 16:6

Son t’ad er gheayrtey fuill nooghyn as phadeyryn, as t’ou er choyrt daue fuill dy iu; son shen t’ad dy hoilliu.