Raaghyn Creeney 13:18 - Yn Vible Casherick 1775 1819

¹⁸ Ta boghtynid as nearey ny chour-syn obbys ynsagh: agh eshyn ver geill da oghsan, hig eh jeh dy mie.

Raaghyn Creeney 13:18 ပူးပေါင်းရင်းမြစ်များ

Psalmyn 141:5

Ny sleaie lhig da deiney mie m’y cherraghey ayns aigney-mie: as oghsan y choyrt dou.

Raaghyn Creeney 12:1

Eshyn shynney lesh ynsagh, shynney lesh tushtey: agh eshyn nagh gow rish oghsan, t’eh ny volvane.

Raaghyn Creeney 13:13

Quoi-erbee soie-ys beg jeh’n goo, hed eh naardey: agh eshyn t’ayns ammys ny annaghyn, yiow eh leagh.

Raaghyn Creeney 13:19

Ta’n yeearree cooilleenit eunyssagh da’n annym: agh te feohdoil da ny mee-chrauee dy haghney yn olk.

Raaghyn Creeney 13:25

Ta’n dooinney cairal gee dy yannoo magh e yeearree: agh bee bolg ny mee-chrauee shang.

Raaghyn Creeney 15:5

Ta’n ommydan soiaghey beg jeh ynsagh e ayrey: agh eh ta beasagh gys oghsan, t’eh creeney.

Raaghyn Creeney 19:6

Nee ymmodee shirrey foayr y ree, as ta dy chooilley ghooinney ny charrey dasyn chebbys giootyn.

Raaghyn Creeney 25:12

Myr cliegeen airhey, as jewel soit ayns airh ghlen, myr shen ta coyrleyder creeney gys y chleaysh beasagh.

Raaghyn Creeney 9:9

Ynsee dooinney creeney, as bee eh foast ny s’creeney; cur roish dooinney ynrick, as nee eh bishaghey ayns ynsagh.

Ecclesiastes 7:5

Te ny share dy chlashtyn oghsan dooinney creeney, na son dooinney dy chlashtyn arrane brynneragh ny mee-hushtee.

Jeremiah 3:25

Ta shin lhie sheese ayns nyn nearey, as ta nyn sou-aigney dy laadey shin: son ta shin er n’yannoo peccah noi’n Chiarn nyn Yee, shin hene as nyn ayraghyn, veih nyn aegid eer gys y laa jiu, as cha vel shin er choyrt biallys da coraa yn Chiarn y Jee ain.

Hebrewnee 12:25

Jeeagh-jee nagh der shiu cooyl rishyn ta loayrt: son mannagh ren adsyn scapail hug cooyl rishyn ren loayrt er y thalloo, foddey smoo cha jig eh lhienyn, my hyndaa-ys mayd ersooyl voishyn ta loayrt veih niau: