Raaghyn Creeney 13:16 - Yn Vible Casherick 1775 1819

¹⁶ Ta dy chooilley ghooinney toiggalagh dellal lesh tushtey: agh ta’n ommydan dy vrah yn ommijys echey hene.

Raaghyn Creeney 13:16 ပူးပေါင်းရင်းမြစ်များ

Psalmyn 112:5

Ta dooinney mie erreeishagh, as coyrt er eeasaght: as nee eh e ghlare y reill lesh tushtey.

Raaghyn Creeney 14:33

Ta creenaght lhie dowin ayns cree yn pheccagh tushtagh: agh ta’n ommydan dy vrah e smooinaghtyn hene.

Raaghyn Creeney 15:2

Ta chengey yn vooinjer chreeney cur tushtey er y hoshiaght: agh ta beeal ny mee-cheeayllee deayrtey magh ommijys.

Raaghyn Creeney 18:2

Cha vel taitnys ec ommydan ayns tushtey, agh ayns geiyrt er aigney e chree hene.

Raaghyn Creeney 21:24

Craidoilagh moyrnagh as sonnaasagh ta’n ennym echeysyn, ta dy mooaralagh dellal ayns corree dewil.

Ecclesiastes 10:13

Ta goan e veeal goaill toshiaght ayns ommijys; as ta jerrey e haggloo ayns dewilys aggair.

Ecclesiastes 10:3

Eer myr t’eh shooyl er y raad, ta cree yn ommydan failleil, soilshaghey da dy chooilley unnane, cre’n ommydan t’eh.

Isaiah 52:13

Cur-my-ner, nee my harvaant eh-hene y ymmyrkey dy creeney, bee eh er ny ghloyraghey as er ny voylley, as feer ard ayns ooashley.

Noo Mian 10:16

Cur-my-ner ta mish dy choyrt shiu magh myr kirree mastey moddee-oaldey: Bee-jee er-y-fa shen tastagh myr ard-nieughyn, as ôney myr calmaneyn.

Romanee 16:19

Son ta’n viallys euish er ny imraa mastey dy chooilley ghooinney. Ta mee er-y-fa shen goaill boggey er y lieh eu: agh ny-yeih baillym shiu ve tastagh gys shen ny ta mie, as ôney mychione olk.

1 Corinthianee 14:20

Vraaraghyn, ny bee-jee nyn gloan ayns tushtey: ny-yeih ayns olkys bee-jee myr cloan, agh ayns toiggal bee-jee deiney.

Ephesianee 5:17

Shen-y-fa ny bee-jee neu-hastagh, agh toig-jee cre ta aigney yn Chiarn.

1 Samuel 25:17

Nish er-y-fa shen, gow coyrle, as smooinee cre share dhyt jannoo: son ta olk kiarit noi nyn mainshtyr, as noi ooilley e hie: son t’eh lheid y mac shen dy Velial, nagh vod dooinney loayrt rish.

1 Samuel 25:25

Ny lhig da my hiarn, ta mee guee ort, cur geill da’n dooinney shoh dy Velial, dy jarroo Nabal: son myr ta’n ennym echey, myr shen t’eh-hene; Nabal yn ennym echey, as ta ommijys mârish: agh mish dty harvaant cha vaik mee dty gheiney aegey, my hiarn, hug oo er y chaghteraght.