Raaghyn Creeney 13:13 - Yn Vible Casherick 1775 1819

¹³ Quoi-erbee soie-ys beg jeh’n goo, hed eh naardey: agh eshyn t’ayns ammys ny annaghyn, yiow eh leagh.

Raaghyn Creeney 13:13 ပူးပေါင်းရင်းမြစ်များ

2 Recortyssyn 36:16

Agh ren ad gannidys er chaghteryn Yee, as hoie ad beg jeh e ghoan, as hug ad drogh ghellal da e adeyryn derrey va jymmoose y Chiarn er ny vrasnaghey noi e phobble, nagh row saase nyn gour.

Ezra 10:3

Nish er-y-fa shen, lhig dooin conaant y yannoo rish y Jee ain, dy chur ersooyl ooilley ny mraane, as y chloan ta ruggit jeu, cordail rish coyrle my hiarn, as y choyrle ocsyn t’er-creau ec sarey’n Jee ain: as lhig da ve jeant cordail rish y leigh.

Psalmyn 115:13

Nee eh adsyn y vannaghey ta goaill aggle roish y Chiarn: chammah beg as mooar.

Psalmyn 119:165

S’mooar ta’n shee t’ocsyn ta graihagh er dty leigh: as cha der nhee erbee orroo eh y hreigeil.

Psalmyn 19:11

Lioroosyn myrgeddin ta dty harvaant ynsit: as ayns freaylley ad ta leagh vooar.

Psalmyn 19:12

Quoi oddys ginsh earroo e loghtyn? O glen mee veih my pheccaghyn follit.

Exodus 9:20

Hug eshyn, ghow aggle roish goo’n Chiarn mastey sharvaantyn Pharaoh, er e vooinjer, as e ollagh dy ghoaill fastee ayns ny thieyn:

Raaghyn Creeney 1:25

Agh ta shiu er hoiaghey beg jeh ooilley my choyrle, as cha goghe shiu rish veg jeh my oghsan.

Raaghyn Creeney 13:12

Ta’n treishteil ta lhiggit shaghey jannoo ching jeh’n chree: agh tra ta’n yeearree jeant magh, te eer billey dy vea.

Raaghyn Creeney 13:21

Ta olk geiyrt er drogh-yantee: agh er y vooinjer chairal bee mie cooilleenit.

Raaghyn Creeney 16:20

Eshyn ta gymmyrkey eh-hene dy creeney ayns cooish erbee, hig eh jeh dy mie; as quoi-erbee treishtys ayns y Chiarn, s’maynrey t’eh.

Raaghyn Creeney 19:16

Eshyn freillys ny annaghyn, t’eh freayll yn annym echey hene: agh hed eshyn mow, nagh vel geill echey gys e raaidyn.

Isaiah 66:2

Son dy chooilley nhee jeu shoh ooilley ta my laue hene er chummey, as liorym’s ta ooilley ny reddyn shoh tannaghtyn, ta’n Chiarn dy ghra: agh gys y dooinney shoh neem’s jeeaghyn, dy jarroo dasyn ta boght as dy chree arryssagh, as arrymagh da my ghoo.

Jeremiah 43:2

Eisht dooyrt Azariah mac Hoshaiah, as Johanan mac Chareah, as ooilley ny mooaralee, rish Jeremiah, T’ou loayrt dy breagagh: cha vel y Chiarn y Jee ain er dty choyrt dy ghra, Ny gow-jee sheese gys Egypt dy chummal ayns shen.

Ezekiel 20:13

Agh dirree thie Israel magh m’oï ayns yn aasagh: cha jimmee ad ayns my lattyssyn, as hoie ad beg jeh my vriwnyssyn: adsyn my nee dooinney y chooilleeney, bee eh dy jarroo bio ayndoo; as my ghooneeyn ren ad dy naareydagh y vrishey: eisht dooyrt mee, dy jinnin my eulys y gheayrtey magh orroo ayns yn aasagh, dy stroie ad.

Ezekiel 20:16

Er-yn-oyr dy hoie ad beg jeh my vriwnyssyn, as cha jimmee ad ayns my lattyssyn, agh ren ad my ghooneeyn y vrishey: son va nyn greeaghyn lhiantyn gys ny jallooyn oc.

Ezekiel 20:24

Er-yn-oyr, nagh row ad er chooilleeney my vriwnyssyn, agh er hoiaghey beg jeh my lattyssyn, as er vrishey my ghooneeyn as dy row nyn sooillyn rouail lurg jallooyn nyn ayraghyn.

Malachi 3:16

Eisht loayr adsyn, va goaill aggle roish y Chiarn, dy mennick ry-cheilley, as deaisht y Chiarn, as cheayll eh, as va lioar imraa scruit kiongoyrt rish, er y hon ocsyn va goaill aggle roish y Chiarn, as va gimraa er e ennym.

Earrooyn 15:31

Son dy vel eh er hoiaghey beg jeh goo yn Chiarn, as er vrishey e harey; bee’n persoon shen dy bollagh er ny yiarey jeh: nee eh gymmyrkey e vee-chairys hene.

Noo Mian 5:12

Gow-jee boggey, as bee-jee erskyn-towse gennal: son s’mooar ta nyn leagh ayns niau: son shoh myr ren ad tranlaase er ny phadeyryn va rhymbiu.

Noo Luke 16:31

As dooyrt eh rish, Mannagh der ad geill da Moses as ny phadeyryn, cha greidjagh ad, ga dy n’irragh fer veih ny merriu.

2 Ean 1:8

Jeeagh-jee diu hene nagh gaill mayd ny reddyn shen ta shin er chosney, agh dy vow mayd slane leagh.