Raaghyn Creeney 13:12 - Yn Vible Casherick 1775 1819

¹² Ta’n treishteil ta lhiggit shaghey jannoo ching jeh’n chree: agh tra ta’n yeearree jeant magh, te eer billey dy vea.

Raaghyn Creeney 13:12 ပူးပေါင်းရင်းမြစ်များ

Genesis 46:30

As dooyrt Israel rish Joseph, Lhig dou baase y gheddyn, nish dy vel mec er vakin dt’eddin, as dy vel oo foast bio.

Nehemiah 2:2

Er shoh, dooyrt y ree rhym, Cre’n-oyr ta lheid y drogh yien ort, fakin nagh vel oo ching? cha vel shoh monney agh trimshey cree. Eisht va mee dy jarroo ayns aggle.

Psalmyn 143:7

Eaisht rhym, O Hiarn, as shen dy leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn 17:15

Ta cloan oc lurg nyn aigney: as t’ad faagail ny ta er-mayrn jeh nyn merchys da nyn luight.

Psalmyn 69:3

Ta mee skee lesh geamagh, ta my scoarnagh chirrym: ta my hoilshey dy m’ailleil son farkiaght choud er my Yee.

Raaghyn Creeney 11:30

Ta mess y dooinney cairagh billey dy vea, as eshyn chosnys anmeenyn, t’eh creeney.

Raaghyn Creeney 13:11

Nee’n verchys ta cosnit dy aggairagh lheïe ersooyl: agh eshyn ta chaglym lesh laue tarroogh ynrick, nee eh bishaghey.

Raaghyn Creeney 13:13

Quoi-erbee soie-ys beg jeh’n goo, hed eh naardey: agh eshyn t’ayns ammys ny annaghyn, yiow eh leagh.

Raaghyn Creeney 13:19

Ta’n yeearree cooilleenit eunyssagh da’n annym: agh te feohdoil da ny mee-chrauee dy haghney yn olk.

Raaghyn Creeney 3:18

T’ee yn billey dy vea dauesyn ta dy chosney ee, as s’maynrey ta dy chooilley unnane ta dy reayll ee.

Arrane Solomon 5:8

Ta mee cur currym erriu, O inneenyn Yerusalem, my veeitys shiu my ghraih, cre jir shiu rish; insh-jee da, dy vel mish ching ayns graih.

Noo Ean 16:22

As ta nish er-y-fa shen trimshey euish: agh hee-yms shiu reesht, as gowee yn cree eu boggey, as y boggey eu cha gow dooinney erbee veue.

Ashlish 2:7

Eshyn ta cleaysh echey, lhig da clashtyn cre ta’n Spyrryd dy ghra rish ny kialteenyn. Dasyn yiow yn varriaght ver-ym’s dy ee jeh billey yn vea, ta ayns mean paradise Yee.

Ashlish 22:2

Ayns mean y straid eck, as er dagh cheu jeh’n awin, va billey yn vea, va ceau daa cheint jeig dy vessyn, as ren gymmyrkey mess dy chooilley vee: as va duillagyn y villey son slaynt ny Hashoonyn.