Raaghyn Creeney 13:1 - Yn Vible Casherick 1775 1819

¹ Ta mac creeney clashtyn rish ynsagh e ayr: agh cha vel y craidoilagh cur geill da oghsan.

Raaghyn Creeney 13:1 ပူးပေါင်းရင်းမြစ်များ

1 Reeaghyn 22:43

As huill eh ayns ooilley raaidyn Asa e ayr; cha hyndaa eh dy lhiattee veih, jannoo shen ny va cairagh ayns shilley’n Chiarn: ny-yeih cha row ny ard-ynnydyn er nyn goyrt sheese; son ren y pobble chebbal as lostey incense foast ayns ny ard-ynnydyn.

Raaghyn Creeney 10:1

Raaghyn creeney Solomon. Ta mac creeney gerjagh e ayrey; agh ta mac ommijagh trimshey da e voir.

Raaghyn Creeney 12:15

Ta raad ommydan jeeragh ayns e hooillyn hene; agh t’eshyn creeney eaishtys rish coyrle.

Raaghyn Creeney 14:6

Ta’n kialgeyr shirrey creenaght, as cha vel eh cheet lesh: agh ta tushtey aashagh dasyn ta keeayl echey.

Raaghyn Creeney 15:12

Cha vel craidoilagh booiagh jehsyn ta coyrt oghsan da, chamoo nee eh taaghey marish deiney creeney.

Raaghyn Creeney 15:20

Ta mac creeney jannoo ayr gennal; agh ta dooinney ommijagh soiaghey beg jeh e voir.

Raaghyn Creeney 15:5

Ta’n ommydan soiaghey beg jeh ynsagh e ayrey: agh eh ta beasagh gys oghsan, t’eh creeney.

Raaghyn Creeney 7:24

Eaisht-jee rhym’s nish, er-y-fa shen, O shiuish my chloan, as cur-jee tastey da goan my veeal.

1 Samuel 2:25

My ta dooinney jannoo aggair da dooinney, nee’n briw reaghey’n chooish eddyr ad: agh my nee dooinney peccah noi’n Chiarn, quoi hig eddyr ad? Ny-yeih cha dug ad geill da coraa nyn ayr; shen-y-fa va’n Chiarn kiarit dy stroie ad.