Raaghyn Creeney 12:8 - Yn Vible Casherick 1775 1819

⁸ Yiow dooinney moylley rere e chreenaght: agh bee eshyn ta jeh cree mitchooragh beg soit jeh.

Raaghyn Creeney 12:8 ပူးပေါင်းရင်းမြစ်များ

Genesis 41:39

As dooyrt Pharaoh rish Joseph, Ayns wheesh as dy vel Jee er hoilshaghey ooilley shoh dhyt’s; cha vel fer erbee cha tushtagh, as cha creeney as oo hene.

Psalmyn 132:18

Shen y raad ver-ym er niart Ghavid dy vlaaghey: ta mee er n’oardaghey londeyr son my Er-ooilit.

Raaghyn Creeney 1:26

Neem’s myrgeddin garaghtee ec ny seaghyn eu, nee’m craid tra hig yn aggle erriu.

Raaghyn Creeney 12:7

Ta ny mee-chrauee giarit jeh, as cha vel arragh jeu: agh nee thie yn vooinjer ynrick shassoo.

Raaghyn Creeney 12:9

Ny share ta eshyn, ta ayns stayd injil, as son cooney lesh hene, na eshyn ta moyrnagh jeh hene, as laccal arran.

Raaghyn Creeney 29:27

Ta dwoaie ec y dooinney onneragh er mitchoor, as ta’n drogh-er noid dasyn ta ynrick ayns e raaidyn.

Raaghyn Creeney 3:35

Yiow yn chloan chreeney gloyr ayns eiraght, agh bee nearey er ooashley ny ommydanyn.

Raaghyn Creeney 5:23

Yiow eh baase gyn ynsagh, as ayns mooadys e ommijys hed eh er-shaghryn.

Ecclesiastes 8:1

Quoi ta myr yn dooinney creeney? as quoi ta toiggal bun y chooish? ta keeayl dooinney cur er e eddin dy hoilshean, as bee dunnallys e oaie er ny niartaghey.

Isaiah 19:14

Ta’n Chiarn er heaymey ny mast’ oc spyrryd dy voirraneys: as t’ad er choyrt shaghrynys er Egypt ayns dy chooilley nhee t’ad goaill ayns laue, myr dooinney meshtal gymmylt ayns e skeay hene.

Daniel 12:2

As nee ymmodee jeusyn, ta cadley ayns joan ny hooirey, doostey, paart gys bea dy bragh farraghtyn, as paart gys nearey as oltooan dy bragh farraghtyn.

Noo Luke 16:8

As voyll y chiarn y stiurt neu-chairagh, er-y-fa dy row eh er n’yannoo dy creeney: son ta cloan y theihll shoh ayns nyn sheeloghe ny s’creeney na cloan y toilshey.

Jannoo 12:23

As chelleeragh woaill ainle y Chiarn eh, er-yn-oyr nagh dug eh yn gloyr da Jee: as v’eh eeit ec ny crooagyn, as shen myr hooar eh baase.

1 Corinthianee 4:5

Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Corinthianee 10:18

Son cha nee eshyn ta dy voylley eh-hene, ta soiagh jeant jeh, agh eshyn ta’n Chiarn dy voylley.

1 Samuel 13:13

As dooyrt Samuel rish Saul, T’ou er n’yannoo dy ommijagh: cha vel oo er reayll yn sarey doardee’n Chiarn dty Yee dhyt; son nish veagh yn Chiarn er hickyraghey dty reeriaght ayns Israel son earishyn foddey beayn.

1 Samuel 16:18

Eisht dreggyr fer jeh ny sharvaantyn, as dooyrt eh, Cur-my-ner, ta mee er vakin fer jeh mee Jesse yn Beth-lehemite, dy vel eh cloieder schleioil, as dooinney feer dunnal, as dooinney caggee, as tushtagh ayns cooishyn, as persoon stoamey, as ta’n Chiarn mârish.

1 Samuel 18:30

Eisht hie princeyn ny Philistinee magh dy chaggey: as haink eh gy-kione, erreish daue v’er n’gholl magh, dy ren David gymmyrkey eh-hene ny s’dunnal na ooilley sharvaantyn Saul; myr shen dy row’n ennym echey dy mooar soit jeh.

1 Samuel 2:30

Shen-y-fa ta’n Chiarn, Jee Israel, gra, Dooyrt mee, dy jarroo, dy jinnagh dty hie’s, as thie dt’ayrey shirveish kiongoyrt rhym son dy bragh: agh nish ta’n Chiarn gra, Dy row shen foddey voym; son ver-yms ooashley dauesyn, ta coyrt ooashley dou as bee beg er ny hoiaghey jeusyn, ta soiaghey beg jeem’s.

1 Samuel 25:17

Nish er-y-fa shen, gow coyrle, as smooinee cre share dhyt jannoo: son ta olk kiarit noi nyn mainshtyr, as noi ooilley e hie: son t’eh lheid y mac shen dy Velial, nagh vod dooinney loayrt rish.