Raaghyn Creeney 12:7 - Yn Vible Casherick 1775 1819

⁷ Ta ny mee-chrauee giarit jeh, as cha vel arragh jeu: agh nee thie yn vooinjer ynrick shassoo.

Raaghyn Creeney 12:7 ပူးပေါင်းရင်းမြစ်များ

2 Samuel 7:16

As bee dty hie as dty reeriaght er ny niartaghey dy beayn kiongoyrt rhyt: bee’n stoyl-reeoil ayd er ny hoiaghey seose dy kinjagh.

2 Samuel 7:26

As lhig da dty ennym v’er ny ghloyraghey son dy bragh, gra, Yn Chiarn dy heshaghtyn niau yn Jee harrish Israel: as lhig da thie dty harvaant David v’er ny niartaghey kiongoyrt rhyt.

Esther 9:14

As doardee yn ree shen dy ve jeant: as haink y decree magh ayns Shushan, as hrogh ad jeih mec Haman.

Lioar Yob 11:20

Agh nee sooillyn y vee-chrauee failleil, as cha jean ad scapail, as bee nyn dreishteil myr yn ennal baaish.

Lioar Yob 34:25

Shen-y-fa ta fys echey er nyn obbraghyn, as t’eh dy hilgey harrish ad ’syn oie, myr shen dy vel ad er nyn stroie.

Psalmyn 37:10

Foast maghey tammylt beg, as bee’n mee-chrauee dy bollagh ersooyl: nee uss jeeaghyn son yn ynnyd echey, as bee eh er n’immeeaght.

Raaghyn Creeney 10:25

Myr ta’n gheay-chassee goll shaghey, cha leah shen ta ny mee-chrauee ec kione: agh ec yn er ynrick ta undin dy bragh farraghtyn.

Raaghyn Creeney 11:21

Ga dy vel laue niartaghey laue, cha bee ny mee-chrauee gyn kerraghey, agh yiow sluight deiney cairal livrey-ys.

Raaghyn Creeney 12:8

Yiow dooinney moylley rere e chreenaght: agh bee eshyn ta jeh cree mitchooragh beg soit jeh.

Raaghyn Creeney 14:1

Ta dy chooilley ven chreeney cummal seose e thie: agh ta’n unnane ommijagh dy phluckey neose eh lesh e laueyn.

Raaghyn Creeney 14:11

Bee thie ny mee-chrauee tilgit bun-ry-skyn: agh nee ynnyd-vaghee deiney mie blaaghey.

Raaghyn Creeney 15:25

Stroie-ys y Chiarn thie ny mooaralee: agh nee eh niartaghey cagliagh y ven-treoghe.