Raaghyn Creeney 12:5 - Yn Vible Casherick 1775 1819

⁵ Ta smooinaghtyn y dooinney ynrick cairal: agh ta coyrleyn ny mee-chrauee son molteyrys.

Raaghyn Creeney 12:5 ပူးပေါင်းရင်းမြစ်များ

Psalmyn 119:15

Nee’m taggloo jeh dt’annaghyn: as ver-ym geill da dty raaidyn.

Psalmyn 139:23

Prow mee, O Yee, as ronsee grunt my chree: jean m’y hirrey magh, as feysht my smooinaghtyn.

Raaghyn Creeney 11:23

Ta yeearree yn dooinney cairal ynrycan son mie: agh bee treishteil y drogh-yantagh ayns anvea.

Raaghyn Creeney 12:4

Ta ben vie myr attey aalin da’n sheshey eck: agh ish ta tayrn nearey er, t’ee myr loauid ayns e chraueyn.

Raaghyn Creeney 12:6

Ta goan ny mee-chrauee dy lhie farkiaght son fuill: agh nee beeal y chloan chairal adsyn y livrey.

Raaghyn Creeney 14:8

Ta creenaght yn er tushtagh dy hoiggal e raad: agh ta ommijys ny mee-chrauee, molteyrys.

Raaghyn Creeney 24:9

Ta peccah ayns smooinaghtyn ommijagh; as ta’n craidoilagh dwoaiagh mastey deiney.

Isaiah 55:7

Lhig da’n drogh ghooinney treigeil e raad, as y dooinney neu-ynrick e smooinaghtyn: as lhig da chyndaa gys y Chiarn, as bee myghin echey er; as gys y Jee ain, as nee eh dy arryltagh leih da.

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Jeremiah 9:3

As t’ad lhoobey nyn jengaghyn myr nyn mhow son breagyn; agh cha vel ad dunnal son yn ynrickys er y thalloo; son t’ad goll er nyn doshiaght veih olk dy olk, as cha vel enney oc orrym’s, ta’n Chiarn dy ghra.

Jeremiah 9:5

As nee dagh unnane e naboo y volley, as cha loayree ad yn irriney: t’ad er chliaghtey nyn jengey gys breagyn, as t’ad deinagh ayns jannoo olk.

Noo Mian 2:16

Eisht Herod toiggal dy row eh mollit liorish ny deiney-creeney, v’eh erskyn-towse eulyssagh, as hug eh magh sarey, as varr eh ooilley ny lhiennoo-mec v’ayns Bethlehem, as ayns ooilley ny ardjyn shen, veih daa vleïn dy eash as fo, corrym rish y traa v’eh dy imneagh er vriaght jeh ny deiney-creeney.

Noo Mian 26:4

As hug ad nyn goyrle dy cheilley, mychione Yeesey y ghoaill dy follit, as dy choyrt eh gy-baase.

1 Corinthianee 4:5

Shen-y-fa ny jean-jee nhee erbee y vriwnys roish y traa, derrey hig y Chiarn, ver chammah lesh gys soilshey folliaghtyn y dorraghys, as nee soilshaghey magh smooinaghtyn ny creeaghyn; as eisht yiow dy chooilley ghooinney moylley veih Jee.

2 Corinthianee 4:2

Agh ta shin er choyrt slane obbal da ny cliaghtaghyn follit scammyltagh, cha nee gimmeeaght ayns molteyrys, chamoo shirveish goo Yee dy foalsey, agh liorish soilshaghey magh yn irriney, faagail shin hene gys [briwnys] cooinsheanse dy chooilley ghooinney ayns fenish Yee.