Raaghyn Creeney 12:4 - Yn Vible Casherick 1775 1819

⁴ Ta ben vie myr attey aalin da’n sheshey eck: agh ish ta tayrn nearey er, t’ee myr loauid ayns e chraueyn.

Raaghyn Creeney 12:4 ပူးပေါင်းရင်းမြစ်များ

Raaghyn Creeney 11:22

Myr cliegeen dy airh ayns stroin muickey, myr shen ta ben aalin, fegooish ymmyrkey mie.

Raaghyn Creeney 12:5

Ta smooinaghtyn y dooinney ynrick cairal: agh ta coyrleyn ny mee-chrauee son molteyrys.

Raaghyn Creeney 14:1

Ta dy chooilley ven chreeney cummal seose e thie: agh ta’n unnane ommijagh dy phluckey neose eh lesh e laueyn.

Raaghyn Creeney 14:30

Ta cree follan slaynt y challin: agh ta troo, loauid ny craueyn.

Raaghyn Creeney 18:22

Quoi-erbee ta geddyn ben (vie) t’eh geddyn gioot mie, as cosney bannaght veih’n Chiarn.

Raaghyn Creeney 21:19

Te ny share dy chummal ’syn aasagh, na marish ben streeuagh as fargagh.

Raaghyn Creeney 21:9

Te ny share dy chummal ayns corneil erbee mullagh thie, na marish ben veealeragh ayns thie mooar.

Raaghyn Creeney 30:23

Liorish ben dwoaiagh ’sy stayd phoosee, as inney-veyl ta cheet ayns ynnyd e ben-ainshtyr.

Raaghyn Creeney 31:29

Shimmey inneen t’er n’yannoo dy mie; agh s’ou uss er-y-skyn oc ooilley.

Habakkuk 3:16

Tra cheayll mee, va my chree traishtit: va my veillyn er-creau ec yn choraa: ren loauid greimmey my chraueyn, as va mee ooilley er-creau: O dy beign ec fea veih’n laa seaghnagh! tra hig eh seose noi yn pobble, hig eh stiagh orroo lesh e heshaghtyn-caggee.

1 Corinthianee 11:11

Ny-yeih, cha vel y dooinney fegooish y ven, chamoo ta’n ven fegooish y dooinney ayns y Chiarn.

1 Corinthianee 11:7

Er son y dooinney dy jarroo cha lhisagh eh e chione y choodaghey, ayns wheesh as dy vel eh co-chaslys as gloyr Yee: agh ta’n ven gloyr y dooinney.

Ruth 3:11

As nish, my inneen, ny bee aggle ort; neem’s er dty hon ooilley ny t’ou dy yeearree: son ta fys ec ooilley cummaltee’n ard-valley, dy vel oo ben onneragh.