Raaghyn Creeney 12:18 - Yn Vible Casherick 1775 1819

¹⁸ Ta fer ayn, ta loayrt goll-rish gyerid y chliwe: agh ta slaynt ayns chengey yn dooinney creeney.

Raaghyn Creeney 12:18 ပူးပေါင်းရင်းမြစ်များ

Psalmyn 52:2

Fakin dy vel mieys Yee: farraghtyn foast gagh laa?

Psalmyn 57:4

Ver Jee magh e vyghin as e ynrickys: ta m’annym mastey lionyn.

Psalmyn 57:5

As ta mee my lhie dy jarroo mastey cloan gheiney, ta soit er aile: nyn veeacklyn t’ad shleiyghyn as sideyn, as nyn jengey ny chliwe gyere.

Psalmyn 59:7

Cur-my-ner, t’ad loayrt lesh nyn meeal, as ta cliwenyn ayns nyn meillyn: son quoi ta clashtyn?

Psalmyn 64:3

T’er shleeu nyn jengey myr cliwe: as ta lhiggey nyn sideyn, dy jarroo goan sharroo;

Raaghyn Creeney 12:17

Eshyn ta loayrt yn irriney, t’eh soilshaghey cairys; agh feanish foalsey, molteyraght.

Raaghyn Creeney 13:17

Ta drogh chaghter duittym ayns olk: agh ta chaghter treishteilagh cur lesh foays.

Raaghyn Creeney 15:4

Ta chengey gherjoilagh billey dy vea: agh ta lhag-smaght aynjee brishey yn spyrryd.

Raaghyn Creeney 15:7

Ta ny meillyn creeney skeayley mygeayrt tushtey: agh cha vel cree ny mee-cheeayllee jannoo shen.

Raaghyn Creeney 16:24

Ta goan gerjoilagh myr y kere-volley, millish da’n annym, as slaynt da ny craueyn.

Raaghyn Creeney 25:18

Dooinney ta gymmyrkey feanish foalsey noi e naboo, t’eh ny oayrd, as cliwe, as side gyere.

Raaghyn Creeney 4:22

Son t’ad bioys dauesyn ta dy gheddyn ad, as slaynt da’n slane callin.

Daniel 11:33

As nee adsyn ta tushtey oc mastey’n pobble, ymmodee y ynsaghey; ny-yeih tuittee ad, liorish y chliwe, as lesh aile, lesh cappeeys, as lesh spooilley, ymmodee laghyn.

Ashlish 1:16

As va echey ayns e laue yesh shiaght rollageyn: as magh ass e veeal haink cliwe gyere lesh daa foyr: as va e eddin myr y ghrian tra t’eh soilshean ayns e niart.

Ashlish 22:2

Ayns mean y straid eck, as er dagh cheu jeh’n awin, va billey yn vea, va ceau daa cheint jeig dy vessyn, as ren gymmyrkey mess dy chooilley vee: as va duillagyn y villey son slaynt ny Hashoonyn.