Raaghyn Creeney 12:13 - Yn Vible Casherick 1775 1819

¹³ Ta’n fer olk goit liorish mee-reiltys e veillyn hene: agh hig y vooinjer ynrick ass seaghyn.

Raaghyn Creeney 12:13 ပူးပေါင်းရင်းမြစ်များ

Genesis 48:16

Yn ainle ren mish y livrey veih dy chooilley olk, dy bannee eh ny scollagyn; as lhig m’ennym’s ve orroo, as ennym m’ayraghyn Abraham as Isaac: as lhig daue bishaghey gys earrooyn dy leih, ayns mean y theihll.

2 Samuel 4:9

As dreggyr David Rechab as Baanah e vraar, mec Rimmon yn Beerothite, as dooyrt eh roo, Myr ta’n Chiarn bio, t’er livrey m’annym veih dy chooilley arkys,

1 Reeaghyn 2:23

Eisht loo ree Solomon liorish y Chiarn, gra, Dy jean Jee myr shen rhym’s, as ny smoo myrgeddin, mannagh vel Adonijah er loayrt yn fockle shoh noi e vioys hene.

Psalmyn 34:19

S’mooar ta seaghyn y fer-cairal: agh ta’n Chiarn cur feaysley da assdoo ooilley.

Psalmyn 34:20

T’eh coadey ooilley e chraueyn: myr shen cha vel unnane jeu er ny vrishey.

Psalmyn 5:6

Nee uss adsyn y stroie ta loayrt breagyn: ver y Chiarn feoh chammah da’n dooinney folley as da’n er molteyragh.

Psalmyn 59:12

Kyndagh rish peccah nyn meeal, as goan nyn meillyn, bee ad goit ayns y voyrn oc hene: as cre’n-oyr? ta’n ghlare oc jeant jeh gweeaghyn as breagyn.

Psalmyn 59:13

Cur mow ad ayns dty chorree, cur mow ad, dy vod ad cherraghtyn: as toiggal dy nee Jee ta reill ayns Jacob as gys king y theihll.

Psalmyn 64:8

Dy feer, ver nyn jengaghyn hene orroo tuittym: ayns wheesh as dy jean adsyn ta fakin ad, garaghtee as craid y yannoo jeu.

Raaghyn Creeney 10:8

Nee adsyn ta creeney-chreeagh soiaghey jeh ny annaghyn: agh nee ommydan brynnagh tuittym.

Raaghyn Creeney 11:8

Ta’n dooinney cairal livreit ass seaghyn, as ta’n drogh ghooinney cheet ’syn ynnyd echey.

Raaghyn Creeney 15:2

Ta chengey yn vooinjer chreeney cur tushtey er y hoshiaght: agh ta beeal ny mee-cheeayllee deayrtey magh ommijys.

Raaghyn Creeney 18:21

Ta baase as bioys ayns pooar y chengey, as nee dooinney farrail rere myr t’eh jannoo ymmyd jeh.

Raaghyn Creeney 21:23

Quoi-erbee smaghtys e veeal, as e hengey, t’eh freayll e annym veih seaghyn.

Raaghyn Creeney 6:2

T’ou ayns ribbey liorish goan dty veeal, t’ou goit lesh focklyn dty veeal hene.

Ecclesiastes 7:18

S’mie dy goghe oo greme er shoh; veih shoh myrgeddin ny tayrn dty laue: son nee eshyn, ta goaill aggle roish Jee, shaghney ooilley ny huilk shoh.

Daniel 6:24

As doardee yn ree, as hug ad lhieu ny deiney shen va er phlaiynt noi Daniel, as hilg ad ad ayns ooig ny lionyn, ad-hene, nyn gloan, as nyn mraane, as hooar ny lionyn mainshtyraght orroo, as vrish ad ooilley ny craueyn oc ayns peeshyn, my rosh ad gys grunt yn ooig.

Noo Mian 27:25

Eisht dansoor ooilley yn pobble, gra, Yn uill echey dy row orrinyn, as er nyn gloan.

2 Peddyr 2:9

Ec y Chiarn ta fys kys dy livrey yn sleih crauee ass seaghyn, as dy reayll ny mee-chrauee gys laa ny briwnys dy ve er nyn gerraghey: