Raaghyn Creeney 12:12 - Yn Vible Casherick 1775 1819

¹² Ta drogh ghooinney geearree ribbey ny mee-chrauee: agh ta fraue y vooinjer chairagh gymmyrkey mess.

Raaghyn Creeney 12:12 ပူးပေါင်းရင်းမြစ်များ

Psalmyn 1:3

As bee eh myr billey soit rish oirr yn ushtey: ver magh e vess ayns imbagh cooie.

Psalmyn 10:9

Son t’eh lhie farkiaght dy follit, dy jarroo myr lion t’eh ny lhie keillit ayns e ooig: dy vod eh spooilley yn boght.

Psalmyn 9:15

Ta ny ashoonyn er duittym sheese ayns yn ooig t’ad-hene er n’yannoo: ayns y ribbey cheddin dollee ad dy follit, ta’n chass oc hene er ny ghoaill.

Raaghyn Creeney 10:15

Ta cooid y dooinney berchagh e ard-valley lajer: ta trimshey ny boghtyn yn êgin oc.

Raaghyn Creeney 11:30

Ta mess y dooinney cairagh billey dy vea, as eshyn chosnys anmeenyn, t’eh creeney.

Raaghyn Creeney 21:10

Ta annym drogh ghooinney aggindagh er olk: cha vow e naboo foayr erbee ayns e hilley.

Isaiah 27:6

Ver eh orroosyn ta cheet jeh Jacob dy ghoaill fraue: nee Israel blaaghey as cur magh, as lhieeney eaghtyr y thallooin lesh mess.

Isaiah 37:31

As nee yn fooilliaght t’er scapail jeh thie Yudah fraue y ghoaill sheese, as gymmyrkey mess seose.

Micah 7:2

Ta’n dooinney crauee er jerraghtyn veih yn thalloo; as cha vel fer ynrick mastey deiney: t’ad ooilley lhie cooyl-chlea son fuill: t’ad shelg dy chooilley ghooinney e vraar lesh ribbey.

Noo Ean 15:16

Cha vel shiuish er my reih, agh ta mish er reih shiuish, as er chur shiu ayns pooar, dy vod shiu goll magh as mess y ymmyrkey, as dy vod y mess eu ve beayn: cre-erbee nee shiu y hirrey er yn Ayr ayns yn ennym aym’s, dy vod eh y chur diu eh.

Noo Ean 15:5

Mish y billey-feeyney, shiuish ny banglaneyn: eshyn ta tannaghtyn aynym’s, as mish aynsyn, t’eh shoh cur magh mooarane mess: son scarrit voym’s cha vod shiu jannoo monney dy vie.

Romanee 6:22

Agh nish myr ta shiu er nyn seyrey veih peccah, as er jeet dy ve nyn sharvaantyn dy Yee, ta eu nyn mess gys casherickys, as y jerrey echey yn vea dy bragh farraghtyn.