Raaghyn Creeney 12:10 - Yn Vible Casherick 1775 1819

¹⁰ Ta dooinney myghinagh soiaghey mooar jeh bioys e vaagh: agh ta myghinyn meiygh ny mee-chrauee dewilys.

Raaghyn Creeney 12:10 ပူးပေါင်းရင်းမြစ်များ

Raaghyn Creeney 12:9

Ny share ta eshyn, ta ayns stayd injil, as son cooney lesh hene, na eshyn ta moyrnagh jeh hene, as laccal arran.

Isaiah 36:17

Derrey hig-ym as goym shiu ersooyl gys cheer goll-rish y cheer eu hene, cheer dy arroo as feeyn, cheer arran as garaghyn-feeyney.

Noo Ean 4:11

Dooyrt y ven rish, Vainshter, cha vel red erbee ayd dy hayrn lesh, as ta’n chibbyr dowin: cre voish eisht ta’n ushtey bio shen ayd?

1 Corinthianee 9:9

Son te scruit ayns leigh Voses, Cha giangle oo seose beeal y dow ta stampey magh yn arroo. Vel kiarail Yee roshtyn gys dew?

Deuteronomy 25:4

Cha giangle oo beeal y dow, choud’s t’eh stampey magh yn arroo.

1 Ean 3:17

Agh quoi-erbee ta cooid y theihll shoh echey, as fakin e vraar ayns feme, as ta dooney seose e veeghyn dy hymmey voish; kys ta graih Yee tannaghtyn ayn?

Briwnyn 1:7

As dooyrt Adoni-bezek, Three-feed as jeih reeaghyn, va nyn ordaagyn laue as coshey giarit jeu, ren teiy nyn mee fo my voayrd’s: myr ta mish er n’yannoo, myr shen ta Jee er my chooilleeney. As hug ad lhieu eh gys Jerusalem, as hooar eh baase ayns shen.

1 Samuel 11:2

As dreggyr Nahash yn Ammonite ad, Er y chonaant shoh nee’m coardail riu, dy der-ym assdiu ooilley yn tooill yesh, dy ve son oltooan er ooilley Israel.