Raaghyn Creeney 11:9 - Yn Vible Casherick 1775 1819

⁹ Ta kialgeyr lesh e veeal cur coayl da e naboo; agh liorish tushtey yiow yn fer-firrinagh livrey-ys.

Raaghyn Creeney 11:9 ပူးပေါင်းရင်းမြစ်များ

1 Reeaghyn 22:6

Eisht ren ree Israel sumney ny phadeyryn cooidjagh, mygeayrt kiare cheead dooinney, as dooyrt eh roo, Jem seose dy chaggey noi Ramoth-gilead, ny jean-ym lhiggey shaghey? As dooyrt ad, Immee seose; son nee’n Chiarn livrey eh gys laue yn ree.

Lioar Yob 34:30

Nagh lhisagh yn er-crauee-oalsey reill, er-aggle dy beagh y pobble er ny hayrn ayns ribbey.

Lioar Yob 8:13

Shen myr ta ny raaidyn ocsyn ooilley ta jarrood Jee; as nee treishteil yn chrauee-oalsey cherraghtyn:

Psalmyn 55:12

Son cha nee noid foshlit t’er n’yannoo yn vee-onnor shoh dou: son eisht oddin v’er ymmyrkey eh.

Raaghyn Creeney 11:6

Nee cairys sleih ynrick geddyn feaysley daue: agh bee drogh-yantee goit ’sy volteyrys oc hene.

Raaghyn Creeney 11:8

Ta’n dooinney cairal livreit ass seaghyn, as ta’n drogh ghooinney cheet ’syn ynnyd echey.

Raaghyn Creeney 16:29

Ta’n dooinney dewil dy violaghey e naboo, as leeideil eh gys raad nagh vel mie.

Noo Mian 7:15

Bee-jee er nyn dwoaie jeh phadeyryn foalsey, ta cheet hiu ayns coamrey keyrragh, agh cheu-sthie t’ad nyn moddee-oaldey jollyssagh.

Noo Mark 13:14

Agh tra hee shiu eajeeid y traartys, ta loayrit jeh liorish Daniel y phadeyr, ny hassoo raad nagh lhisagh eh, (eshyn ta lhaih, lhig da tastey ghoaill) eisht lhig dauesyn t’ayns Judea chea gys ny sleityn.

Jannoo 20:30

Myrgeddin nyn mast’ eu hene nee deiney girree seose, loayrt goan kialgagh, dy chleaynaghey daue hene fir-eiyrtee.

1 Ean 2:21

Cha vel mee er scrieu hiu, er-yn-oyr nagh vel fys eu er yn irriney: agh er-yn-oyr dy vel fys eu er, as nagh vel breg erbee jeh’n irriney.

1 Ean 2:27

Agh ta’n ooilaghey ta shiu er gheddyn veihsyn, tannaghtyn ayndiu: as cha vel feme eu dooinney erbee dy ynsaghey shiu: Agh myr ta’n ooilaghey cheddin gynsaghey shiu mychione dy chooilley nhee, as dy nee’n irriney eh, as cha nee breg: as dy jarroo myr t’eh er n’ynsaghey shiu, nee shiu tannaghtyn aynsyn.