Raaghyn Creeney 11:6 - Yn Vible Casherick 1775 1819

⁶ Nee cairys sleih ynrick geddyn feaysley daue: agh bee drogh-yantee goit ’sy volteyrys oc hene.

Raaghyn Creeney 11:6 ပူးပေါင်းရင်းမြစ်များ

Genesis 30:33

Myr shen nee my ynrickys gansoor er my hon ’sy traa ry-heet; tra hig shoh dy ve my aill ayns dty hilley hene; dy chooilley unnane nagh vel breck as spottagh mastey ny goair, as loaghtyn mastey ny kirree, lhig da shen ve coontit myr griu vaarlee.

Genesis 31:37

Nish dy vel oo er ronsaghey ooilley my chooid; cre t’ou er gheddyn jeh ooilley dty stoo-thie; soie magh eh ayns shoh kiongoyrt rish my chaarjyn, as dty chaarjyn hene, dy vod ad briwnys eddyr shin nyn-neesht.

1 Reeaghyn 2:44

Dooyrt y ree marish shen rish Shimei, Ta fys ayd er ooilley’n olkys ta follit dty chree hene, ren oo rish David my ayr: shen-y-fa nee’n Chiarn chyndaa dty olkys er dty chione hene.

Psalmyn 9:15

Ta ny ashoonyn er duittym sheese ayns yn ooig t’ad-hene er n’yannoo: ayns y ribbey cheddin dollee ad dy follit, ta’n chass oc hene er ny ghoaill.

Raaghyn Creeney 11:9

Ta kialgeyr lesh e veeal cur coayl da e naboo; agh liorish tushtey yiow yn fer-firrinagh livrey-ys.

Raaghyn Creeney 5:22

Nee e vee-chairys hene yn vee-chrauee y ghreimmey, as bee eh sniemmit.

Ecclesiastes 10:8

Eshyn chleiy-ys ooig, tuittee eh-hene ayn; as eshyn lhieggys cleiy, nee ard-nieu eh y lhottey.

Briwnyn 20:41

As tra hyndaa deiney Israel dy chur eddin daue, va deiney Venjamin atchimagh; son honnick ad dy row’n olk er jeet orroo.