Raaghyn Creeney 11:5 - Yn Vible Casherick 1775 1819

⁵ Nee cairys y dooinney mie eh y choadey er y raad; agh nee yn vee-chrauee tuittym liorish e olkys hene.

Raaghyn Creeney 11:5 ပူးပေါင်းရင်းမြစ်များ

2 Samuel 17:23

As tra honnick Ahitophel nagh ghow ad y choyrle echeysyn, yeelt eh e assyl, as hrog eh er, as hie eh thie gys e ard-valley hene, as ren eh e hymney, as hrogh eh eh-hene, as hooar eh baase, as v’eh oanluckit ayns oaie e ayrey.

Lioar Yob 18:7

Bee kesmadyn e niart er ny hionney, as ver e choyrle hene er dy huittym.

Raaghyn Creeney 1:18

As t’ad soiaghey ribbaghyn son yn uill oc hene, t’ad lhie cooyl-chlea dy follit noi nyn mioys hene.

Raaghyn Creeney 11:3

Nee ynrickys y vooinjer yeeragh adsyn y leeideil, agh nee mee-reiltys drogh-yantee adsyn y stroie.

Raaghyn Creeney 12:3

Cha bee dooinney er ny hickyraghey liorish mee-chraueeaght: agh cha bee fraue yn vooinjer chairagh er ny lhaggaghey.

Raaghyn Creeney 13:6

Ta ynrickys dy choadey eshyn ta jeeragh ’sy raad: agh ta peccah cur naardey yn drogh-yantagh.

Raaghyn Creeney 14:32

Ta’n mee-chrauee eiyrit ersooyl ayns e olkys: agh ec yn er-crauee ta treishteil eer ayns e vaase.

Raaghyn Creeney 15:19

Ta raad y litcher myr cleiy drineagh: agh ta raad yn er-cairagh jeant rea.

Raaghyn Creeney 21:29

Ta’n drogh ghooinney staayney e eddin: agh son y dooinney onneragh, t’eh goll jeeragh er y raad.

Raaghyn Creeney 28:18

Eshyn ta shooyl dy jeeragh, bee eh sauchey: agh eh ta roonagh ayns e raaidyn, tuittee eh dy gerrit.

Raaghyn Creeney 3:6

Ayns ooilley dty raaidyn gow rishyn, as nee eh leeideil dty chesmadyn.

Raaghyn Creeney 5:22

Nee e vee-chairys hene yn vee-chrauee y ghreimmey, as bee eh sniemmit.

Isaiah 26:7

Ta raad yn er-cairal ayns ynrickys: t’ou uss, smoo ynrick, kiartaghey cassan yn vooinjer chairal.

Hosea 5:5

As ta moyrn Israel gymmyrkey feanish gys e eddin: shen-y-fa nee Israel as Ephraim tuittym ayns nyn mee-chraueeaght: tuittee Judah myrgeddin mâroo.

Briwnyn 20:41

As tra hyndaa deiney Israel dy chur eddin daue, va deiney Venjamin atchimagh; son honnick ad dy row’n olk er jeet orroo.