Raaghyn Creeney 11:4 - Yn Vible Casherick 1775 1819

⁴ Cha vel berchys jeh foays erbee ayns laa’n cherraghey, agh ta cairys livrey veih baase.

Raaghyn Creeney 11:4 ပူးပေါင်းရင်းမြစ်များ

Genesis 7:1

As dooyrt y Chiarn rish Noah, Tar uss as ooilley dty lught-thie stiagh ’syn arg; son uss ta mee er vakin ynrick kiongoyrt rhym ayns y cheeloghe shoh.

Lioar Yob 20:28

Nee bishagh e hie lheïe ersooyl, as nee e chooid roie myr thooilley ayns laa e yymmoose.

Raaghyn Creeney 10:2

Cha vel tashtaghyn mee-chairagh gys veg yn ymmyd: agh ta ynrickys livrey veih baase.

Raaghyn Creeney 12:28

Ayns raad yn ynrickys ta bea, as ayns y chassan shen cha vel nhee baasoil erbee.

Raaghyn Creeney 6:34

Son ta eadolys eulys y dooinney: shen-y-fa cha bee eh myghinagh ayns laa yn chooilleen.

Isaiah 10:3

Agh cree nee shiuish ayns laa yn cherraghey, as ayns y traartys hig veih foddey? quoi gys nee shiu chea son kemmyrk? as quoi nee nyn merchys y choadey?

Ezekiel 14:14

Ga dy beagh ny three deiney shoh, Noah, Daniel, as Job ayn, cha jinnagh ad livrey agh nyn anmeenyn hene liorish nyn gairys, ta’n Chiarn Jee dy ghra.

Ezekiel 7:19

Nee ad nyn argid y hilgey ersooyl ayns ny straïdyn, as bee nyn airh goit voue: cha vod nyn argid, ny nyn airh ad y livrey ayns laa jymmoose y Chiarn: cha jean ad nyn anmeenyn y yannoo magh, ny nyn gallinyn y lhieeney: son t’ad shoh oyr nyn duittym ayns mee-chairys.

Zephaniah 1:18

Chamoo oddys yn argid, ny yn airh oc sauail ad ayns laa jymmoose y Chiarn, agh bee yn slane cheer er ny choyrt mow lesh aile yn eadolys echey: son nee eh dy jarroo, dy leah geddyn rea rish ooilley cummaltee yn cheer.

Noo Mian 16:26

Son cre’n vondeish t’ec dooinney, my chosnys eh yn seihll ooilley, as e annym hene y choayl? ny cre nee dooinney y choyrt ayns coonrey son e annym?

Noo Luke 12:20

Agh dooyrt Jee rish, Uss ommydan, yn oie noght vees dty annym er ny ghoaill voïd: quoi lesh eisht vees yn chooid shen t’ou uss er jaglym?

Romanee 5:17

Son my she liorish peccah un dooinney, ta baase reill trooid un er; foddey smoo nee adsyn t’er gheddyn slane towse dy ghrayse, as jeh’n ghioot dy chairys, reill ayns bea liorish un er, Yeesey Creest.

1 Timothy 4:8

Er son shirveish y challin cha vooar yn ymmyd t’ayn: agh ta craueeaght vondeishagh gys dy chooilley nhee, myr ta gialdyn echey jeh’n vea ta nish ayn, as jeh shen ta ry-heet.