Raaghyn Creeney 11:29 - Yn Vible Casherick 1775 1819

²⁹ Eshyn ta tayrn seaghyn er e hie hene, hed eh lesh y gheay: as bee yn ommydan sharvaant dasyn ta creeney ayns cree.

Raaghyn Creeney 11:29 ပူးပေါင်းရင်းမြစ်များ

Genesis 34:30

As dooyrt Jacob rish Simeon as Levi; Ta shiu er hayrn seaghyn orrym, as er m’y yannoo dwoaiagh mastey cummaltee ny cheerey, mastey ny Canaaniteyn, as ny Perizziteyn: as myr nagh vel shin agh beggan sleih ayns earroo, nee ad chaglym ad-hene cooidjagh m’oï, as m’y ghunverys, as beem’s er my stroie, mish as my hie.

Raaghyn Creeney 14:19

Ta’n olk croymmey roish y vie, as ny mee-chrauee ec giattyn deiney ynrick.

Raaghyn Creeney 15:27

Eshyn ta shleeuit er cosney, t’eh tayrn seaghyn er e hie hene: agh nee eshyn tannaghtyn ta dwoaiagh er giootyn.

Ecclesiastes 5:16

As ta shoh myrgeddin olk trome, er dy chooilley aght myr haink eh, shen myr hed eh: as cre’n vondeish t’echeysyn t’er laboraght son y gheay?

Hosea 8:7

Son t’ad er chuirr y gheay, as nee ad buinn y gheay-chassee: cha vel bun echey: cha jean y jeeas gymmyrkey meinn, as ga dy jean eh, bee eh stroit ec joarreeyn.

1 Samuel 25:17

Nish er-y-fa shen, gow coyrle, as smooinee cre share dhyt jannoo: son ta olk kiarit noi nyn mainshtyr, as noi ooilley e hie: son t’eh lheid y mac shen dy Velial, nagh vod dooinney loayrt rish.

1 Samuel 25:3

Nish va ennym y dooinney Nabal, as ennym e ven, Abigail: as v’ee ben chreeney as tushtagh, as feer aalin: agh va’n dooinney creoi, mooaralagh, as tranlaasagh ayns e ghellal, as v’eh jeh kynney Chaleb.

1 Samuel 25:38

As haink eh gy-kione mysh jeih laa ny lurg, dy lhie’n Chiarn e laue er Nabal, dy dooar eh baase.