Raaghyn Creeney 11:26 - Yn Vible Casherick 1775 1819

²⁶ Eshyn ta keiltyn e stoyr arroo, nee yn pobble gwee mollaght er: agh bee bannaght er y chione echeysyn ta dy chreck eh.

Raaghyn Creeney 11:26 ပူးပေါင်းရင်းမြစ်များ

Genesis 42:6

As va Joseph ny chiannoort harrish y cheer, as eshyn ve va creck rish ooilley sleih ny cheerey: as haink braaraghyn Yoseph, as chroym ad ad-hene sheese kiongoyrt rish, lesh nyn eddinyn gys y thalloo.

Genesis 47:14

As hrog Joseph ooilley yn argid v’er ny gheddyn ayns cheer Egypt, as ayns cheer Chanaan, son yn arroo v’ad er gionnaghey: as hug Joseph lesh yn argid gys thie Pharaoh.

Lioar Yob 29:13

Haink orrym’s y bannaght echeysyn va aarloo dy herraghtyn: as hug mee er cree yn ven-treoghe dy ghoaill arrane son boggey.

Raaghyn Creeney 10:6

Ta bannaghtyn er kione yn er-cairagh: agh ver tranlaase ny host beeal ny drogh-yantee.

Raaghyn Creeney 24:24

Eshyn jirrys rish y vee-chrauee, T’ou uss cairagh; ersyn hig mollaght y theay, dwoaiyssee ashoonyn eh.

Raaghyn Creeney 28:27

Eshyn ta shirveish er ny boghtyn, cha jig y voghtynid er: agh yiow eshyn mollaght ny ghaa ta follaghey e hooillyn.