Raaghyn Creeney 11:24 - Yn Vible Casherick 1775 1819

²⁴ Ta fer ayn ta skeayley, as foast t’eh bishaghey: as ta ayn ta lhiettal ny smoo na ta cooie, agh te tayrn gys boghtynid.

Raaghyn Creeney 11:24 ပူးပေါင်းရင်းမြစ်များ

2 Recortyssyn 31:10

As dreggyr Azariah ard-saggyrt thie Zadok eh, as dooyrt eh, Er-dyn traa ren y pobble toshiaght dy chur lhieu ny ourallyn stiagh ayns thie yn Chiarn, ta dy liooar er ve ain son beaghey, as nyn saie fooilliagh: son ta’n Chiarn er vannaghey e phobble; as shen ny ta faagit, yn stoyr mooar shoh.

Psalmyn 112:9

T’eh er skeayley dy lhean, as er choyrt da ny boghtyn: as ta e chairys farraghtyn son dy bragh; bee’n ennym echey er ny hoiaghey seose lesh ooashley.

Raaghyn Creeney 11:18

Ta’n mee-chrauee gobbraghey obbyr volteyragh, agh ny chour-syn ta cuirr cairys bee leagh shickyr.

Raaghyn Creeney 11:23

Ta yeearree yn dooinney cairal ynrycan son mie: agh bee treishteil y drogh-yantagh ayns anvea.

Raaghyn Creeney 11:25

Bee’n dooinney feoiltagh jeant magh lesh sonnys, as eshyn ta gushtaghey, bee eh-hene er ny ooraghey.

Raaghyn Creeney 13:7

Ta fer ayn ta lhiggey er dy ve berchagh, ga nagh vel monney echey: as ta fer ayn ta jannoo boght jeh hene ayns mean e verchys.

Raaghyn Creeney 19:17

Eshyn ta giastyllagh da ny boghtyn, t’eh geeasaght da’n Chiarn: as son shen t’eh myr shoh dy vaarail, bee eh er ny eeck da reesht.

Raaghyn Creeney 28:27

Eshyn ta shirveish er ny boghtyn, cha jig y voghtynid er: agh yiow eshyn mollaght ny ghaa ta follaghey e hooillyn.

Raaghyn Creeney 28:8

Eshyn ta liorish use trome, as cosney mee-chairagh, bishaghey e chooid, nee eh chaglym er e hon-syn, ghoys chymmey er ny boghtyn.

Ecclesiastes 11:6

’Sy voghrey cuirr dty rass, as ec yn astyr ny lhaggee dty laue: son cha vel fys ayd quoi jeu nee bishaghey, edyr shoh ny shen; er-nonney bee ad ny-neesht co-laik mie.

Haggai 1:6

Ta shiu er chuirr mooarane, as er chur lhieu stiagh beggan: ta shiu gee, agh cha vel shiu jeant magh: ta shiu giu, agh cha vel shiu er chuir nyn baays: ta shiu coamrey shiu hene, agh cha vel shiu geddyn chiass: as eshyn ta toilliu faill, t’eh toilliu eh dy choyrt eh ayns sporran raipit.

Malachi 3:8

Jean dooinney maarlys er Jee? foast ta shiuish er n’yannoo maarlys orrym’s; agh ta shiu gra, Cre ayn ta shin er n’yannoo maarlys ort? Ayns jagheenyn as ourallyn.

Noo Luke 6:38

Jean-jee coyrt, as bee eh er ny choyrt diu; towse mie, jingit sheese, as criht cooidjagh, as roie harrish, ver deiney diu ayns nyn oghrish. Son lesh y towse cheddin ta shiu towse, bee eh er ny howse diu reesht.

Deuteronomy 15:10

Ver oo dy jarroo firrinagh da, cha jean dty chree mooaraghey, tra t’ou coyrt da: er-yn-oyr dy jean y Chiarn son y red shoh oo y vannaghey ayns ooilley dty obbraghyn, as ayns ooilley ny t’ou coyrt dty laue huggey.