Raaghyn Creeney 11:20 - Yn Vible Casherick 1775 1819

²⁰ Adsyn ta jeh drogh chree, t’ad dwoaiagh da’n Chiarn: agh lheid as ta jeeragh ayns nyn raad, t’ad boggey da.

Raaghyn Creeney 11:20 ပူးပေါင်းရင်းမြစ်များ

1 Recortyssyn 29:17

Ta fys aym myrgeddin, my Yee, dy vel oo prowal yn cree, as dy vel taitnys ayd ’syn ynrickys. Er my hon’s ayns ynrickys my chree ta mee dy aggindagh er hebbal ooilley’n stoyr shoh: as nish lesh boggey ta mee er vakin dty phobble ta kionfenish ayns shoh, chebbal hood’s dy arryltagh.

Psalmyn 101:4

Cha goym drogh chooish erbee ayns laue: ta dwoaie aym er ny peccaghyn dy neu-firrinys: cha jean veg nyn lheid lhiantyn hym.

Psalmyn 11:7

Er ny mee-chrauee deayrtee eh ribbaghyn, aile as brimstone, sterrym as dorrin: shoh vees y cronney ocsyn dy iu.

Psalmyn 119:1

Bannit t’adsyn ta glen ayns y raad: as ta gimmeeaght ayns leigh yn Chiarn.

Psalmyn 140:13

Ver y dooinney ynrick myrgeddin booise da dt’Ennym: as nee’n er-cairagh tannaghtyn ayns dty hilley.

Psalmyn 51:6

Agh cur-my-ner, t’ou shirrey firrinys ayns ny ayrnyn er cheu-sthie: as ver oo orrym toiggal creenaght dy follit.

Raaghyn Creeney 11:21

Ga dy vel laue niartaghey laue, cha bee ny mee-chrauee gyn kerraghey, agh yiow sluight deiney cairal livrey-ys.

Raaghyn Creeney 12:22

Ta meillyn breagagh dwoaiagh da’n Chiarn, agh adsyn ta dellal dy firrinagh t’ad boggey da.

Raaghyn Creeney 13:6

Ta ynrickys dy choadey eshyn ta jeeragh ’sy raad: agh ta peccah cur naardey yn drogh-yantagh.

Raaghyn Creeney 14:9

Cha vel ny mee-chrauee agh jannoo craid jeh peccah: agh ta foayr Yee mastey deiney cairal.

Raaghyn Creeney 15:26

Ta smooinaghtyn ny mee-chrauee feohdoil da’n Chiarn: agh s’eunyssagh ny goan ta cheet veih cree glen.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Raaghyn Creeney 16:17

Te raad-mooar y dooinney ynrick dy hea veih olk: eshyn ta cummal ayns e raad, t’eh coadey e annym.

Raaghyn Creeney 21:29

Ta’n drogh ghooinney staayney e eddin: agh son y dooinney onneragh, t’eh goll jeeragh er y raad.

Raaghyn Creeney 3:32

Son ta’n tranlaasagh dwoaiagh da’n Chiarn; agh ta’n graih follit echey marish deiney cairal.

Raaghyn Creeney 6:14

Ta foalsaght ayns e chree, t’eh shêgin er olk dy kinjagh, t’eh cur streeu er y hoshiaght.

Raaghyn Creeney 8:13

Te aggle y Chiarn dy chur feoh da olk: moyrn, as mooaralys, as y drogh raad, as y beeal molteyragh, ta dwoaie aym orroo.

Raaghyn Creeney 9:7

Eshyn ta cur oghsan da’n ghrynder, t’eh geddyn nearey da hene; as eh ta coyrlaghey yn vee-chrauee, t’eh tayrn er hene oltooan.