Raaghyn Creeney 11:17 - Yn Vible Casherick 1775 1819

¹⁷ Ta’n dooinney myghinagh jannoo mie da’n annym echey hene, agh ta’n dooinney dewil tayrn seaghyn er e chorp hene.

Raaghyn Creeney 11:17 ပူးပေါင်းရင်းမြစ်များ

Lioar Yob 20:16

Nee eh soo pyshoon ny ard-nieughyn: nee chengey yn viper eshyn y varroo.

Raaghyn Creeney 15:27

Eshyn ta shleeuit er cosney, t’eh tayrn seaghyn er e hie hene: agh nee eshyn tannaghtyn ta dwoaiagh er giootyn.

Raaghyn Creeney 22:9

Er y thooill feoilt hig bannaght ny ghaa: son t’eh shirveish kuse jeh e arran er ny boghtyn.

Ecclesiastes 4:8

Ta ayn fer ny-lomarcan, as cha vel echey sheshey; dy jarroo chamoo t’echey lhiannoo ny braar: ny-yeih cha vel jerrey er ooilley e hooilleil, chamoo ta e hooill jeant magh lesh berchys; chamoo t’eh gra, Quoi son ta mee tooilleil, as gobbal gerjagh da my annym? Ta shoh myrgeddin fardail, dy feer te obbyr seaghnagh.

Isaiah 57:1

Ta’n dooinney cairal cherraghtyn, as cha vel dooinney erbee goaill eh gys e chree; as ta deiney giastyllagh goit ersooyl, gyn fer erbee smooinaghtyn dy vel yn dooinney ynrick goit ersooyl veih’n olk ta ry-heet.

Daniel 4:27

Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Noo Mian 5:7

Bannit ta’n vooinjer vyghinagh: son bee myghin er ny hoilshaghey daue.

Noo Luke 6:38

Jean-jee coyrt, as bee eh er ny choyrt diu; towse mie, jingit sheese, as criht cooidjagh, as roie harrish, ver deiney diu ayns nyn oghrish. Son lesh y towse cheddin ta shiu towse, bee eh er ny howse diu reesht.

Philippianee 4:17

Cha nee dy vel mee shirrey gioot agh ta mee geearree mess oddys bishaghey gys y vondeish euish.

Jamys 2:13

Son yiow eshyn briwnys dyn myghin, nagh vel er hoilshaghey myghin; as ta myghin boggyssagh harrish briwnys.