Raaghyn Creeney 11:13 - Yn Vible Casherick 1775 1819

¹³ Ta’n skeealleyder dy vrah cooishyn follit: agh ta dooinney treishteilagh keiltyn y chooish.

Raaghyn Creeney 11:13 ပူးပေါင်းရင်းမြစ်များ

Raaghyn Creeney 10:19

Ayns ymmodee goan ta ymmodee peccah, agh eshyn smaghtys e veillyn, t’eh creeney.

Raaghyn Creeney 11:12

Ta’n dooinney mee-hushtagh soiaghey beg jeh e naboo: agh ta dooinney creeney ny host.

Raaghyn Creeney 12:23

Ta dooinney toiggalagh keiltyn tushtey, agh ta cree ny mee-chrauee fockley magh ommijys.

Raaghyn Creeney 14:5

Cha jean feanish firrinagh breg y insh: agh nee feanish foalsey fockley-magh breagyn.

Raaghyn Creeney 19:11

Ta keeayl dooinney dy chastey e chorree: as te yn ghloyr echey [ny cheayrtyn] dy lhiggey lesh yn aggair.

Raaghyn Creeney 20:19

Eh ta goll mygeayrt myr skeealleyder, t’eh dy vrah folliaghtyn: er-y-fa shen, ny bee veg ayd dy yannoo rishyn, ta brynneraght lesh e veillyn.

Raaghyn Creeney 25:9

Jean dty chooish y phleadeil rish dty naboo hene; as ny insh da fer elley shen ny ta eddyr shiu:

Jeremiah 38:27

Eisht haink ooilley ny princeyn gys Jeremiah dy vriaght jeh: as dinsh eh daue cordail rish ooilley ny goan shoh, myr va’n ree er harey. Er shoh cha dooyrt ad arragh rish, as cha row yn chooish cronnit.

Leviticus 19:16

Cha jed oo mygeayrt, myr skeealleyder mastey dty phobble: chamoo nee oo shassoo noi fuill dty naboo: Mish y Chiarn.

1 Timothy 5:13

As marish shoh t’ad gynsaghey dy ve litcheragh, rouail veih thie gy thie; as cha nee ynrycan litcheragh, agh tutleryn neesht, as peeikearyn ayns cooishyn sleih elley, loayrt reddyn nagh lhisagh ad.

Joshua 2:14

As dreggyr ny deiney ee, yn vioys ain son y vioys euish, my nee shiu keiltyn yn chooish ta shin mysh. As hig eh gy-kione, tra vees y Chiarn er choyrt dooin yn cheer, dy jean mayd dellal dy dooie as dy firrinagh rhyt.

Joshua 2:20

As my nee uss shoh nyn gooish y vrah, eisht vees shinyn feayshlit veih’n loo hug oo orrin y ghoaill.