Raaghyn Creeney 10:6 - Yn Vible Casherick 1775 1819

⁶ Ta bannaghtyn er kione yn er-cairagh: agh ver tranlaase ny host beeal ny drogh-yantee.

Raaghyn Creeney 10:6 ပူးပေါင်းရင်းမြစ်များ

Esther 7:8

Eisht haink y ree ass garey yn phlaase gys room y yien-feeyney, as va Haman er duittym er y chouch er va Esther ny soie. Eisht dooyrt y ree, Vel eh son goaill er-êgin yn ven-reïn myrgeddin roish my hooillyn ayns my hie hene? Cha row yn fockle ny sleaie ass beeal y ree nagh choodee ad eddin Haman.

Lioar Yob 29:13

Haink orrym’s y bannaght echeysyn va aarloo dy herraghtyn: as hug mee er cree yn ven-treoghe dy ghoaill arrane son boggey.

Psalmyn 107:42

Smooinee yn vooinjer chairagh er shoh, as gowee ad boggey: as bee beeal dy chooilley olkys er ny yeigh.

Raaghyn Creeney 10:11

Ta beeal y dooinney cairagh chibbyr dy vioys: agh nee tranlaase coodaghey eddin y vee-chrauee.

Raaghyn Creeney 10:5

Eshyn ta chaglym ’sy tourey, t’eh ny ghooinney creeney: agh eh ta liastey ’syn ouyr, t’eh ny vac naareydagh.

Raaghyn Creeney 11:26

Eshyn ta keiltyn e stoyr arroo, nee yn pobble gwee mollaght er: agh bee bannaght er y chione echeysyn ta dy chreck eh.

Raaghyn Creeney 24:25

Agh bee boggey ocsyn yiow foill da, as hig bannaght foddey beayn orroosyn.

Raaghyn Creeney 28:20

Nee dooinney treishteilagh bishaghey ayns bannaghtyn: agh eshyn ta jannoo siyr dy ve berchagh, cha bee eh gyn-loght.

Raaghyn Creeney 3:33

Ta mollaght y Chiarn ayns thie yn vee-chrauee: agh t’eh bannaghey ynnyd-vaghee yn vooinjer ynrick.

Isaiah 3:10

Abbyr-jee rish y dooinney ynrick, Dy jig eshyn jeh dy mie; son nee ad soylley y ghoaill jeh mess nyn yannoo.

Obadiah 1:10

Son dty hranlaase noi dty vraar Jacob, bee oo coodit lesh nearey, as er dty yiarey jeh son dy bragh.

Romanee 3:19

Nish ta fys ain cre-erbee ta’n leigh dy ghra, te dy ghra roosyn ta fo’n leigh: dy vod dagh beeal ve ny host, as dy vod ooilley’n seihll ve oolee fenish Yee.

Deuteronomy 28:2

As hig ooilley ny bannaghtyn shoh ort, as berree ad ort, my eaishtys oo rish coraa’n Chiarn dty Yee.