Raaghyn Creeney 10:4 - Yn Vible Casherick 1775 1819

⁴ T’eh cheet gys boghtynid ta dellal lesh laue lhag: agh ta laue yn er tarroogh jannoo berchagh.

Raaghyn Creeney 10:4 ပူးပေါင်းရင်းမြစ်များ

Genesis 26:32

As haink eh gy-kione yn laa cheddin, dy daink sharvaantyn Isaac, as dinsh ad da my chione y chibbyr v’ad er chleiy; as dooyrt ad rish, Ta shin er gheddyn ushtey.

Raaghyn Creeney 10:5

Eshyn ta chaglym ’sy tourey, t’eh ny ghooinney creeney: agh eh ta liastey ’syn ouyr, t’eh ny vac naareydagh.

Raaghyn Creeney 11:24

Ta fer ayn ta skeayley, as foast t’eh bishaghey: as ta ayn ta lhiettal ny smoo na ta cooie, agh te tayrn gys boghtynid.

Raaghyn Creeney 12:24

Nee yn laue jeidjagh gymmyrkey reill, agh bee yn mee-rioosagh fo keeshyn.

Raaghyn Creeney 12:27

Cha vel yn er-liastey gaarlagh shen, ghow eh ayns shelg: agh ta cooid dooinney frioosagh bannaght da.

Raaghyn Creeney 13:4

Ta annym y litcher geearree: agh cha vel eh cosney monney: agh bee annym y vooinjer tarroogh jeant sonney.

Raaghyn Creeney 18:9

Eshyn neesht ta liastey ayns e obbyr, t’eh ny vraar da’n ard-stroialtagh.

Raaghyn Creeney 19:15

Ta litcheraght dy hilgey fer ayns cadley trome, as nee’n annym liastey surranse gortey.

Raaghyn Creeney 19:24

Ta’n litcher liastey follaghtyn e laue ayns e vroghil, as s’coan nee eh wheesh troggal eh gys e veeal.

Raaghyn Creeney 20:13

Ny cur rouyr raad da cadley er-aggle dy jig oo gys boghtynid: foshil dty hooillyn, as bee oo jeant magh lesh arran.

Raaghyn Creeney 20:4

Cha jean y litcher traaue kyndagh rish y feayraght; shen-y-fa shooylee eh ny thieyn ’syn ouyr, agh cha vow eh monney.

Raaghyn Creeney 21:5

Ta kiarail y dooinney jeidjagh leeideil gys sonnys: agh ta’n fer siyragh roie gour e vullee gys boghtynid.

Ecclesiastes 10:18

Liorish eer liastey ta’n ynnyd-vaghee goll naardey, as trooid mee-rioose ny laueyn ta’n faarn shilley trooid y chlea.

Noo Ean 6:27

Ny bee-jee imneagh son y beaghey ta cherraghtyn, agh son y beaghey shen ta tannaghtyn gys y vea veayn, nee yn Mac dooinney y choyrt diu: son eshyn ta Jee yn Ayr er chowraghey.

1 Corinthianee 15:58

Shen-y-fa, my chaarjyn graihagh, shass-jee shickyr, gyn scughey, dy kinjagh goll er nyn doshiaght ayns obbyr y Chiarn, son wheesh as dy vel fys eu nagh vel y laboraght eu ayns fardail ayns y Chiarn.