Raaghyn Creeney 10:32 - Yn Vible Casherick 1775 1819

³² Ta meillyn y dooinney cairal toiggal ny ta mie: agh ta beeal y drogh ghooinney loayrt dy frourtagh.

Raaghyn Creeney 10:32 ပူးပေါင်းရင်းမြစ်များ

Raaghyn Creeney 11:11

Liorish bannaght deiney mie, ta’n ard-valley dy maynrey: agh te currit mow liorish beeal ny mee-chrauee.

Raaghyn Creeney 12:18

Ta fer ayn, ta loayrt goll-rish gyerid y chliwe: agh ta slaynt ayns chengey yn dooinney creeney.

Raaghyn Creeney 12:6

Ta goan ny mee-chrauee dy lhie farkiaght son fuill: agh nee beeal y chloan chairal adsyn y livrey.

Raaghyn Creeney 15:2

Ta chengey yn vooinjer chreeney cur tushtey er y hoshiaght: agh ta beeal ny mee-cheeayllee deayrtey magh ommijys.

Raaghyn Creeney 15:28

Ta cree yn er-cairagh imneagh dy chur ansoor lowal: agh ta beeal y drogh ghooinney deayrtey magh goan nieunagh.

Raaghyn Creeney 2:12

Dy livrey oo veih raad y drogh ghooinney, veih’n dooinney ta loayrt goan cluicagh.

Raaghyn Creeney 4:24

Cur ersooyl voïd beeal foalsey, as meillyn scammyltagh cur foddey voïd.

Raaghyn Creeney 6:12

Ta’n drogh-yantagh, dooinney mee-chrauee, shooyl lesh beeal cluicagh.

Ecclesiastes 10:12

Ta goan beeal y dooinney creeney graysoil; agh nee meillyn yn ommydan sluggey seose eh-hene.

Ecclesiastes 12:10

Va’n preachoor aggindagh dy yannoo magh goan taitnyssagh, as dy scrieu sheese shen ny va jeeragh, dy jarroo goan yn irriney.

Daniel 4:27

Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Titus 2:8

Glare breeoil nagh vod ve loayrit n’oï: dy vod eshyn ta shassoo magh nearey ’ghoaill, gyn veg yn olk echey dy choyrt gys nyn lieh.