Raaghyn Creeney 10:25 - Yn Vible Casherick 1775 1819

²⁵ Myr ta’n gheay-chassee goll shaghey, cha leah shen ta ny mee-chrauee ec kione: agh ec yn er ynrick ta undin dy bragh farraghtyn.

Raaghyn Creeney 10:25 ပူးပေါင်းရင်းမြစ်များ

Lioar Yob 17:9

Nee yn er-crauee myrgeddin cummal gys e raad, as aasee ny laueyn glen ny s’troshey as ny s’troshey.

Lioar Yob 20:8

Nee eh lheïe ersooyl myr dreamal, as cha bee eh er ny gheddyn; dy jarroo hed eh shaghey myr ashlish ’syn oie.

Lioar Yob 21:18

T’ad myr y stubble roish y gheay, as myr y coau ta’n sterrym dy heebey ersooyl.

Psalmyn 125:1

Bee adsyn ta coyrt nyn dreishteil ayns y Chiarn, dy jarroo myr cronk Sion: nagh vod v’er ny scughey, agh ta shassoo shickyr er son dy bragh.

Psalmyn 15:5

Eshyn ta loo da e naboo, as nagh vel dy volley eh: ga dy beagh eh gys e choayl hene.

Psalmyn 58:10

Myr shen dy jir dooinney, Dy firrinagh ta leagh cour y sleih cairagh: gyn dooyt ta Jee ayn ta briwnys y theihll.

Psalmyn 58:9

Gowee yn dooinney cairagh boggey tra hee eh yn kerraghey: nee eh e chesmadyn y niee ayns fuill ny mee-chrauee.

Raaghyn Creeney 1:27

Tra ta’n aggle cheet erriu myr traartys, as nyn doyrt-mow myr geay-chassee: tra hig chennid as angaish erriu.

Raaghyn Creeney 10:30

Cha bee yn vooinjer chairal dy bragh astyrit: as cha bee ny mee-chrauee foddey-beayn er y thalloo.

Raaghyn Creeney 12:3

Cha bee dooinney er ny hickyraghey liorish mee-chraueeaght: agh cha bee fraue yn vooinjer chairagh er ny lhaggaghey.

Raaghyn Creeney 12:7

Ta ny mee-chrauee giarit jeh, as cha vel arragh jeu: agh nee thie yn vooinjer ynrick shassoo.

Isaiah 40:24

Dy jarroo, cha bee ad er nyn soiaghey; lioar, cha bee ad er nyn guirr; eer cha gow yn bun oc fraue ayns yn ooir: sheidee eh orroo myrgeddin, as nee ad fioghey; as gowee yn gheay-chassee ersooyl ad myr y coau.

Noo Mian 16:18

As ta mee myrgeddin gra rhyt, Dy nee uss Peddyr, as dy nee er y chreg shoh trog-ym’s my agglish: as cha vow giattyn niurin yn varriaght urree.

Ephesianee 2:20

As troggit er undin ny ostyllyn as phadeyryn, Yeesey Creest hene yn ard chlagh-chorneilagh;

1 Timothy 6:19

Coyrt seose ayns stoyr nyn gour oc hene undin mie ry-hoi yn traa ta ry-heet, dy vod ad greme y ghoaill er y vea veayn.

2 Timothy 2:19

Ny-yeih, ta undin Yee shassoo shickyr, sealit lesh y cowrey shoh, Shione da’n Chiarn e vooinjer hene. As, Lhig da dy chooilley unnane ta genmys ennym Chreest chea veih mee-chraueeaght.