Raaghyn Creeney 10:24 - Yn Vible Casherick 1775 1819

²⁴ Berree aggle y vee-chrauee er: agh bee yeearree yn er-cairagh jeant magh.

Raaghyn Creeney 10:24 ပူးပေါင်းရင်းမြစ်များ

Lioar Yob 15:21

Ta feiyr atchimagh ayns e chleayshyn: ayns mean e vaynrys hig y stroider er.

Lioar Yob 3:25

Son ta shen ny va mee dy mooar ayns aggle roish er jeet orrym, as yn atchim va mee fo er duittym orrym dy trome.

Psalmyn 145:19

Cooilleenee eshyn yn yeearree ocsyn ta goaill aggle roish: clynnee eh myrgeddin yn eam oc, as cooinee eh lhieu.

Psalmyn 21:2

T’ou er choyrt da yeearree e chree: as cha vel oo er n’obbal da aghin e veillyn.

Psalmyn 37:4

Gow taitnys ayns y Chiarn: as ver eh dhyt yeearree dty chree.

Raaghyn Creeney 1:26

Neem’s myrgeddin garaghtee ec ny seaghyn eu, nee’m craid tra hig yn aggle erriu.

Raaghyn Creeney 1:27

Tra ta’n aggle cheet erriu myr traartys, as nyn doyrt-mow myr geay-chassee: tra hig chennid as angaish erriu.

Raaghyn Creeney 15:8

Ta oural ny mee-chrauee dwoaiagh da’n Chiarn: agh t’eh goaill taitnys ayns padjer yn er ynrick.

Isaiah 66:4

Faag-yms ad myrgeddin fo yn shaghrynys oc hene, as ver-ym lhiam nyn aggle orroo; er-yn-oyr tra deïe mee, nagh ren fer hene freggyrt; tra loayr mee, cha ren ad clashtyn: agh ren ad olk roish my hooillyn, as reih ad shen nagh ghow mee taitnys ayn.

Ezekiel 11:8

Ta shiu er ve agglagh roish y chliwe, agh ver-yms lhiam yn cliwe erriu, ta’n Chiarn Jee dy ghra.

Daniel 4:28

Haink ooilley shoh er y ree Nebuchadnezzar.

Noo Mian 5:6

Bannit t’adsyn ta accryssagh as paagh lurg yn ynrickys: son bee ad er nyn yannoo magh.

Noo Ean 14:18

Cha vaag-ym shiu gyn gerjagh; hig-yms hiu.

Noo Ean 16:24

Cha vel shiu foast er hirrey nhee erbee ayns yn ennym aym’s: shir-jee, as yiow shiu, dy vod y boggey eu v’er ny yannoo magh.

Hebrewnee 10:27

Agh farkiaght agglagh son briwnys, as jymmoose aileagh, nee adsyn y stroie ta shassoo magh.