Raaghyn Creeney 10:22 - Yn Vible Casherick 1775 1819

²² Ta bannaght y Chiarn berchagh, as cha vel eh coyrt seaghyn erbee lesh.

Raaghyn Creeney 10:22 ပူးပေါင်းရင်းမြစ်များ

Genesis 12:2

As jeed’s neem’s ashoon mooar, as nee’m oo y vannaghey, as nee’m dty ennym ooasle, as bee oo son bannaght.

Genesis 13:2

As va Abram feer verchagh ayns maase, ayns argid, as ayns airh.

Genesis 14:23

Nagh goym nhee erbee, eer veih snaie gys strap-braagey, as nagh goym nhee erbee ta lhiat’s, nagh bee oyr ayd dy ghra, Ta mee er n’yannoo Abram berchagh;

Genesis 24:35

As ta’n Chiarn dy mooar er vannaghey my vainshtyr; as t’eh er jeet dy ve pooaral: as t’eh er choyrt da shioltaneyn, as shellooyn, as argid, as airh, fir-vooinjerey, as sharvaantyn, camelyn, as assylyn.

Genesis 26:12

Eisht chuirr Isaac ’sy cheer shen, as vuinn eh ’sy vleïn cheddin keead-filley: as vannee yn Chiarn eh.

Genesis 26:13

As daase yn dooinney berchagh, as hie eh er e hoshiaght (’sy theihll) as ren eh bishaghey, derrey haink eh dy ve feer niartal.

1 Reeaghyn 21:19

As nee uss loayrt rish, gra, Shoh myr ta’n Chiarn dy ghra, Vel oo er varroo, as myrgeddin er ghoaill possession? As nee uss loayrt rish, gra, Shoh myr ta’n Chiarn dy ghra, Ayns yn ynnyd raad ren moddee sliee fuill Naboth, nee moddee sliee yn uill ayd’s, eer dty uill’s.

1 Recortyssyn 4:10

As deïe Jabez gys Jee Israel, gra, Oh dy jinnagh oo mish y vannaghey dy jarroo, as my ardjyn y heeyney magh, as dy bee dty laue mârym dy my reayll veih tranlaase, nagh bee’m seaghnit liorish. As hug Jee e yeearree da.

2 Recortyssyn 25:9

As dooyrt Amaziah rish dooinney Yee, Agh cre nee mayd son y keead talent ta mee er choyrt da sheshaght-caggee Israel? As dreggyr yn dooinney dy Yee, Te ayns pooar y Chiarn dy chur dhyt’s foddey smoo na shoh.

2 Recortyssyn 32:27

As va Hezekiah erskyn-towse berchagh as onnoroil: as ren eh thieyn-stoyr son argid, as son airh, as son claghyn costal, as son spiceyn, as son eilley-caggee, as son dy chooilley horch dy yewellyn aalin;

2 Recortyssyn 32:29

Marish shoh hrog eh da hene ard-valjyn, as va echey ymmodee shioltaneyn, as shellooyn ayns palchey: son va Jee er choyrt da ymmodee cooid-seihlt.

Psalmyn 107:38

T’eh dy nyn mannaghey ad, dy vel ad bishaghey erskyn towse: as cha vel eh surranse da’n maase oc dy ve ny sloo ayns earroo.

Psalmyn 127:2

Mannagh vel y Chiarn freayll yn ard-valley: ta’n arreyder dooisht ayns fardail.

Psalmyn 37:22

Nee adsyn ta bannit dy Yee, baghey ’sy cheer: as adsyn t’eh er gheyrey vees astyrit ass ny fraueyn.

Raaghyn Creeney 14:24

Ta berchys attey aalin da sleih creeney: agh cha vel ad agh soilshaghey ommijys yn ommydan.

Raaghyn Creeney 20:21

Foddee eiraght ve cosnit ayns traa giare ec y toshiaght: agh gyn bannaght cheet lesh ec y jerrey.

Raaghyn Creeney 28:22

Eshyn ta shleeuit er berchys, ta drogh-hooill echey, as cha vel eh toiggal dy vod y voghtynid cheet er.

Raaghyn Creeney 8:21

Dy choyrt cooid vie ayns eiraght dauesyn shynney lhiam, as ny tashtaghyn oc y lhieeney.

Daniel 1:15

As ec kione ny jeih laa va ny eddinyn oc jeeaghyn ny s’aalin as ny s’ruishagh ayns feill na ooilley ny scollagyn, va gee jeh’n chooid-ronney reeoil.

Zechariah 5:4

Ver-ym lhiam magh eh, ta Chiarn ny flaunyssee dy ghra, as hed eh stiagh ayns thie yn vaarliagh, as ayns y thie echeysyn ta loo dy foalsey liorish my ennym’s: as nee eh tannaghtyn ayns mean e hie, as ver eh naardey eh, marish y fuygh echey, as ny claghyn echey.

Deuteronomy 26:10

As cur-my-ner nish, ta mee er chur lhiam ny chied-vessyn y thallooin, t’ou uss, O Hiarn, er choyrt dou: as nee oo soiaghey eh kiongoyrt y Chiarn dty Yee, as ver oo ooashley kiongoyrt rish y Chiarn dty Yee.

Deuteronomy 28:11

As nee’n Chiarn uss y vishaghey ayns cooid, ayns sluight dty chorp, as ayns ingan dty vaase, as ayns mess dty hallooin, ayns y cheer vreear y Chiarn da dty ayraghyn dy choyrt dhyt.

Joshua 6:18

As shiuish, er dy chooilley haase freill-jee shiu hene veih’n red custey, er-aggle dy der shiu lhieu mollaght erriu hene, tra ta shiu goaill jeh’n red custey, as cragh er camp Israel, as seaghyn lesh.