Raaghyn Creeney 10:21 - Yn Vible Casherick 1775 1819

²¹ Ta meillyn y dooinney crauee dy ynsaghey ymmodee: agh ta ny mee-cheeayllee goll naardey son laccal creenaght.

Raaghyn Creeney 10:21 ပူးပေါင်းရင်းမြစ်များ

Lioar Yob 23:12

Chamoo ta mee er hyndaa veih slattys e veillyn; ta mee er hoiaghey ny smoo jeh goan e veeal na jeh my veaghey ymmyrchagh.

Psalmyn 37:30

Nee’n vooinjer chairagh eiraght ’gheddyn ’sy cheer: as baghey ayn son dy bragh.

Raaghyn Creeney 1:29

Son dy dug ad dwoaie da tushtey, as cha ren ad reih aggle y Chiarn.

Raaghyn Creeney 1:31

Shen-y-fa nee ad gee jeh mess y raad oc hene, as bee nyn yeeilley oc jeh nyn groutyn hene

Raaghyn Creeney 1:32

Son nee shaghrynys y vooinjer vee-cheeayllagh ad-hene y chur naardey, as nee’n maynrys seihltagh ommydanyn ad-hene y stroie.

Raaghyn Creeney 10:11

Ta beeal y dooinney cairagh chibbyr dy vioys: agh nee tranlaase coodaghey eddin y vee-chrauee.

Raaghyn Creeney 12:18

Ta fer ayn, ta loayrt goll-rish gyerid y chliwe: agh ta slaynt ayns chengey yn dooinney creeney.

Raaghyn Creeney 15:4

Ta chengey gherjoilagh billey dy vea: agh ta lhag-smaght aynjee brishey yn spyrryd.

Raaghyn Creeney 15:7

Ta ny meillyn creeney skeayley mygeayrt tushtey: agh cha vel cree ny mee-cheeayllee jannoo shen.

Raaghyn Creeney 17:16

Cre-woad share ta ommydan jeh e verchys, fakin nagh vel cree echey dy chosney creenaght lesh?

Raaghyn Creeney 5:12

As dy jir oo, Kys va mee dwoaiagh er ynsagh, as kys ren my chree soiaghey beg jeh coyrle.

Raaghyn Creeney 5:2

Dy vod oo cur geill da coyrle vie, as dy vod dty veillyn freayll tushtey.

Raaghyn Creeney 5:23

Yiow eh baase gyn ynsagh, as ayns mooadys e ommijys hed eh er-shaghryn.

Raaghyn Creeney 6:32

Agh quoi-erbee ta brishey poosey, t’eh laccal tushtey: eshyn ta dy yannoo eh, t’eh stroie yn annym echey hene.

Ecclesiastes 12:11

Ta goan deiney creeney myr lorg-immanagh, as myr treinaghyn eiyrit shickyr liorish mainshtyryn y cho-chruinnaght, t’er nyn goyrt magh liorish yn un vochilley.

Isaiah 5:13

Shen-y-fa ta my phobble er n’gholl ayns cappeeys, er-yn-oyr dy vel ad gyn tushtey; as ta ny deiney oc er n’gholl neeu ’sy ghortey, as ta’n slane pobble oc craghit lesh paays,

Jeremiah 15:16

Hooar mee dty ghoan, as d’ee mee ad; as va dty ghoo dooys boggey as gerjagh my chree; son ort’s ta mee enmyssit, O Hiarn, Jee ny sheshaghtyn flaunyssagh.

Jeremiah 3:15

As ver-ym diu bochillyn lurg my chree hene, nee shiu y veaghey lesh tushtey as toiggal.

Hosea 4:6

Ta my phobble’s goll naardey son laccal tushtey: son dy vel uss er n’yiooldey rish tushtey, jioold-yms myrgeddin rhyt’s, nagh bee oo ny-sodjey son saggyrt dooys: fakin dy vel oo er yarrood leigh dty Yee’s, neem’s myrgeddin yn chloan ayd’s y yarrood.

Noo Mian 12:35

Ta dooinney mie ass stoyr mie yn chree echey, cur magh reddyn mie: as drogh ghooinney ass y drogh stoyr cur magh drogh reddyn.

Noo Mian 13:19

Quoi-erbee ta clashtyn goo yn reeriaght, as nagh vel dy hoiggal eh, ta’n drogh-er cheet, as tayrtyn lesh shen ny va cuirt ayns e chree: shoh eh ghow yn rass rish oirr y raad.

Romanee 1:28

As dy jarroo myr nagh smooinee ad mie dy reayll Jee ayns nyn dushtey, livrey Jee ad harrish gys creoghys cree, dy yannoo shen nagh row lowal:

1 Peddyr 5:2

Cur-jee beaghey da shioltane Yee ta ny mast’ eu, goaill y currym harrystoo, cha nee myr êginit, agh dy aggindagh; cha nee er coontey cosney naareydagh, agh jeh aigney arryltagh;