Raaghyn Creeney 10:20 - Yn Vible Casherick 1775 1819

²⁰ Ta chengey yn er-cairagh myr reih argid: s’beg feeu ta cree ny mee-chrauee.

Raaghyn Creeney 10:20 ပူးပေါင်းရင်းမြစ်များ

Genesis 6:5

As honnick Jee dy row mee-chraueeaght dooinney trome er y thalloo, as dy row dy chooilley yeearree jeh smooinaghtyn e chree soit er olk dy kinjagh.

Genesis 8:21

As ren y Chiarn soiagh dy mie jeh’n oural, as dooyrt y Chiarn ayns e chree, Cha jean-ym arragh yn seihll y stroie er yn aght shoh, er coontey sheelnaue; ga dy vel smooinaghtyn chree dooinney peccoil veih e aegid: chamoo nee’m arragh dagh nhee bio y stroie, myr ta mee er n’yannoo.

Psalmyn 37:30

Nee’n vooinjer chairagh eiraght ’gheddyn ’sy cheer: as baghey ayn son dy bragh.

Raaghyn Creeney 12:18

Ta fer ayn, ta loayrt goll-rish gyerid y chliwe: agh ta slaynt ayns chengey yn dooinney creeney.

Raaghyn Creeney 15:4

Ta chengey gherjoilagh billey dy vea: agh ta lhag-smaght aynjee brishey yn spyrryd.

Raaghyn Creeney 16:13

Ta reeaghyn goaill taitnys ayns meillyn ny firrinys, as shynney lhieu eshyn ta loayrt yn irriney.

Raaghyn Creeney 20:15

Ta airh ayn, as mooarane claghyn costal: agh ta ny meillyn lesh tushtey, roish ny jewellyn s’aalin.

Raaghyn Creeney 23:7

Son myr t’eh smooinaghtyn ayns e chree, shen myr t’eh: Ee as iu, jir eh rhyt, agh cha vel e chree lhiat.

Raaghyn Creeney 8:19

Ta my vess ny share na airh, dy feer, na’n airh s’glenney, as my heet-stiagh roish reih argid.

Jeremiah 17:9

Ta’n cree molteyragh erskyn dy chooilley nhee, as mee-chrauee erskyn-towse: quoi oddys toiggal eh?