Raaghyn Creeney 10:2 - Yn Vible Casherick 1775 1819

² Cha vel tashtaghyn mee-chairagh gys veg yn ymmyd: agh ta ynrickys livrey veih baase.

Raaghyn Creeney 10:2 ပူးပေါင်းရင်းမြစ်များ

Raaghyn Creeney 11:4

Cha vel berchys jeh foays erbee ayns laa’n cherraghey, agh ta cairys livrey veih baase.

Raaghyn Creeney 12:28

Ayns raad yn ynrickys ta bea, as ayns y chassan shen cha vel nhee baasoil erbee.

Raaghyn Creeney 13:11

Nee’n verchys ta cosnit dy aggairagh lheïe ersooyl: agh eshyn ta chaglym lesh laue tarroogh ynrick, nee eh bishaghey.

Raaghyn Creeney 21:6

Lesh chengey vreagagh dy chosney berchys, te fardalys leaystey noon as noal mâroosyn ta geiyrt er toyrt-mow.

Ezekiel 7:19

Nee ad nyn argid y hilgey ersooyl ayns ny straïdyn, as bee nyn airh goit voue: cha vod nyn argid, ny nyn airh ad y livrey ayns laa jymmoose y Chiarn: cha jean ad nyn anmeenyn y yannoo magh, ny nyn gallinyn y lhieeney: son t’ad shoh oyr nyn duittym ayns mee-chairys.

Daniel 4:27

Shen-y-fa, O ree, gow dy arryltagh my choyrle’s, as brish jeh dty pheccaghyn liorish ynrickys, as dty vee-chairys liorish soilshaghey myghin da’n voght, hoiggal, myr shen dy bee dty vaynrys ny-sodjey beayn.

Zephaniah 1:18

Chamoo oddys yn argid, ny yn airh oc sauail ad ayns laa jymmoose y Chiarn, agh bee yn slane cheer er ny choyrt mow lesh aile yn eadolys echey: son nee eh dy jarroo, dy leah geddyn rea rish ooilley cummaltee yn cheer.

Romanee 2:5

Agh cordail rish creoghys dty chree vee-arryssagh, t’ou stoyral seose dhyt hene jymmoose cour laa’n yymmoose, as tra vees briwnys cairagh Yee er ny hoilshaghey;

Romanee 5:21

’Naght myr ta peccah er reill gys baase, eer myr shen dy voddagh grayse reill trooid cairys gys y vea ta dy bragh farraghtyn, liorish Yeesey Creest nyn Jiarn.

Philippianee 3:9

As ve er my gheddyn aynsyn, cha nee shassoo er my chairys hene, ta liorish y leigh, agh er shen ta liorish credjue ayns Creest, yn chairys shen ta veih Jee liorish credjue: