Raaghyn Creeney 10:19 - Yn Vible Casherick 1775 1819

¹⁹ Ayns ymmodee goan ta ymmodee peccah, agh eshyn smaghtys e veillyn, t’eh creeney.

Raaghyn Creeney 10:19 ပူးပေါင်းရင်းမြစ်များ

Lioar Yob 11:2

Nagh vel ansoor dy ve er ny choyrt dasyn ta goaill rouyr taggloo er? as vel y beealerey dy v’er ny heyrey?

Psalmyn 39:1

Dooyrt mee, Goym tastey jeh my raaidyn: nagh jean-ym peccah lesh my hengey.

Raaghyn Creeney 11:12

Ta’n dooinney mee-hushtagh soiaghey beg jeh e naboo: agh ta dooinney creeney ny host.

Raaghyn Creeney 11:13

Ta’n skeealleyder dy vrah cooishyn follit: agh ta dooinney treishteilagh keiltyn y chooish.

Raaghyn Creeney 12:23

Ta dooinney toiggalagh keiltyn tushtey, agh ta cree ny mee-chrauee fockley magh ommijys.

Raaghyn Creeney 18:21

Ta baase as bioys ayns pooar y chengey, as nee dooinney farrail rere myr t’eh jannoo ymmyd jeh.

Ecclesiastes 5:1

Jeeagh gys dty raaidyn, tra t’ou taaghey thie Yee, as bee ny s’arryltagh dy chlashtyn na dy hebbal oural yn ommydan: son cha vel toiggal echey, dy vel eh jannoo dy olk.

Ecclesiastes 5:2

Ny bee siyragh lesh dty veeal, as ny lhig da dty chree fockley-magh nhee erbee gyn-tort fenish Yee: son ta Jee ayns niau, as uss er y thalloo; shen-y-fa lhig da dty ghoan ve beggan.

Ecclesiastes 5:3

Son tra dreamal cheet trooid ymmodee kiarail, as coraa yn ommydan er ny chronnaghey liorish mooarane branlaadee.

Jamys 1:19

Shen-y-fa, my vraaraghyn ghraihagh, lhig da dy chooilley ghooinney ve arryltagh dy chlashtyn, liastey dy loayrt, moal gys corree:

Jamys 3:2

Son ayns ymmodee reddyn ta shin ooilley foiljagh. My ta dooinney erbee nagh vel foiljagh ayns e ghlare, ta’n fer cheddin ny ghooinney ynrick, as abyl myrgeddin dy reayll yn slane corp fo smaght.