Raaghyn Creeney 10:17 - Yn Vible Casherick 1775 1819

¹⁷ T’eh ayns raad y vea ta coyrt geill da ynsagh: agh eshyn obbys coyrle, t’eh er-shaghryn.

Raaghyn Creeney 10:17 ပူးပေါင်းရင်းမြစ်များ

2 Recortyssyn 25:16

As haink eh gy-kione myr v’eh taggloo rish, dy dooyrt y ree rish, Nee uss fer jeh fir-choyrlee yn ree? bee dty host, nonney ver-ym gy-baase oo. Eisht cha jagh y phadeyr ny-sodjey lesh, agh dooyrt eh, Ta fys aym dy vel Jee er chiarail dy stroie oo, er-yn-oyr dy vel oo er n’yannoo shoh, as nagh vel oo er n’eaishtagh rish my choyrle’s.

Raaghyn Creeney 1:30

Cha shirragh ad veg jeh my choyrle: ren ad beg y hoiaghey jeh my oghsan.

Raaghyn Creeney 12:1

Eshyn shynney lesh ynsagh, shynney lesh tushtey: agh eshyn nagh gow rish oghsan, t’eh ny volvane.

Raaghyn Creeney 15:10

Ta smaght feohdagh dasyn ta treigeil y raad, as eshyn nagh gow rish oghsan hed eh naardey.

Raaghyn Creeney 15:32

Eshyn obbys ynsagh t’eh soiaghey beg jeh e annym hene: agh eshyn verrys tastey da coyrle, t’eh geddyn tushtey.

Raaghyn Creeney 29:1

Eshyn ta dy mennick coyrlit, as creoghey e wannal, bee eh doaltattym er ny stroie, as shen fegooish couyr.

Raaghyn Creeney 3:18

T’ee yn billey dy vea dauesyn ta dy chosney ee, as s’maynrey ta dy chooilley unnane ta dy reayll ee.

Raaghyn Creeney 4:13

Gow greme shickyr er ynsagh, ny lhig voïd ee, cum ayd ee, son t’ee dty vioys.

Raaghyn Creeney 4:4

Dynsee eshyn mee neesht, as dooyrt eh rhym, Lhig da dty chree goaill stiagh my ghoan: freill my annaghyn, as bee oo bio.

Raaghyn Creeney 5:12

As dy jir oo, Kys va mee dwoaiagh er ynsagh, as kys ren my chree soiaghey beg jeh coyrle.

Raaghyn Creeney 5:14

Va mee faggys ayns dy chooilley olk, fenish y phobble, as y cho-chruinnaght.

Raaghyn Creeney 6:23

Son ta’n anney myr cainle, as ta’n leigh soilshey; as smaght lesh ynsagh, te raad y vea.

Ecclesiastes 5:6

Ny lhig da dty veeal ve oyr peccah da dty chorp; chamoo abbyr roish chaghter Yee, She marranys ve: cre’n-fa yinnagh oo Jee y vrasnaghey lesh dty ghoan, dy stroie obbyr dty laueyn?

Noo Luke 11:28

Agh dooyrt eshyn, Dy jarroo foddey s’bannee t’adsyn ta clashtyn goo Yee, as freayll eh.

Hebrewnee 12:25

Jeeagh-jee nagh der shiu cooyl rishyn ta loayrt: son mannagh ren adsyn scapail hug cooyl rishyn ren loayrt er y thalloo, foddey smoo cha jig eh lhienyn, my hyndaa-ys mayd ersooyl voishyn ta loayrt veih niau:

Hebrewnee 2:1

Shen-y-fa lhisagh shin tastey s’gyerey ’choyrt da ny reddyn ta shin er chlashtyn, er-aggle ec traa erbee dy jinnagh shin ad y yarrood.

Briwnyn 19:17

As tra v’eh er hroggal seose e hooillyn, honnick eh dooinney joarree ayns straid yn ard-valley, as dooyrt y chenn ghooinney, C’raad t’ou goll? as cre veih t’ou er jeet?