Raaghyn Creeney 10:14 - Yn Vible Casherick 1775 1819

¹⁴ Ta deiney creeney stoyrey seose creenaght: agh ta beeal yn ommydan er-gerrey da toyrt-mow.

Raaghyn Creeney 10:14 ပူးပေါင်းရင်းမြစ်များ

Raaghyn Creeney 1:5

Nee dooinney creeney geaishtagh, as cheet er e hoshiaght ayns ynsagh, as nee dooinney tastagh roshtyn gys coyrleyn creeney.

Raaghyn Creeney 10:10

Eshyn ta meekey lesh e hooill, t’eh tayrn trimshey er hene; agh nee ommydan tutleragh tuittym.

Raaghyn Creeney 10:8

Nee adsyn ta creeney-chreeagh soiaghey jeh ny annaghyn: agh nee ommydan brynnagh tuittym.

Raaghyn Creeney 12:23

Ta dooinney toiggalagh keiltyn tushtey, agh ta cree ny mee-chrauee fockley magh ommijys.

Raaghyn Creeney 13:3

Eshyn ta smaghtaghey e veeal, t’eh freayll e vioys: agh eshyn ta fosley lhean e veillyn, hig eh gys toyrt-mow.

Raaghyn Creeney 17:20

Eshyn ta jeh cree roonagh, cha vow eh veg y vie, as ta’n chengey foalsey tuittym ayns olk.

Raaghyn Creeney 18:1

Ta dooinney, lurg e aigney, scarrey eh-hene [veih cooishyn elley] as shirrey magh, as dellal ayns dy chooilley chreenaght.

Raaghyn Creeney 18:15

Ta cree yn dooinney creeney cosney tushtey: as ta cleaysh y dooinney lowal shirrey son tushtey.

Raaghyn Creeney 18:7

Ta beeal ommydan e hoyrt-mow, as ta e veillyn ribbey e annym.

Raaghyn Creeney 19:8

Eh ta geddyn creenaght, shynney lesh e annym hene: eshyn freillys tushtey yiow eh mie.

Raaghyn Creeney 21:23

Quoi-erbee smaghtys e veeal, as e hengey, t’eh freayll e annym veih seaghyn.

Raaghyn Creeney 9:9

Ynsee dooinney creeney, as bee eh foast ny s’creeney; cur roish dooinney ynrick, as nee eh bishaghey ayns ynsagh.

Ecclesiastes 10:12

Ta goan beeal y dooinney creeney graysoil; agh nee meillyn yn ommydan sluggey seose eh-hene.

Noo Mian 12:35

Ta dooinney mie ass stoyr mie yn chree echey, cur magh reddyn mie: as drogh ghooinney ass y drogh stoyr cur magh drogh reddyn.

Noo Mian 13:44

Reesht ta reeriaght niau goll-rish berchys follit ayns magher: yn verchys cheddin tra ta dooinney dy gheddyn magh, t’eh dy choodaghey eh, as ayns boggey jeh t’eh goll as creck ooilley ny t’echey, as kionnaghey yn magher cheddin.

Noo Mian 13:52

Eisht dooyrt eh roo, Shen-y-fa ta dy chooilley scrudeyr, ta ynsit gys reeriaght niau, goll-rish dooinney ta ny er-thie [mie] ta cur magh ass e hashtaghyn reddyn noa as shenn.