Raaghyn Creeney 10:13 - Yn Vible Casherick 1775 1819

¹³ Ayns ny meillyn echeysyn ta toiggalagh, ta creenaght er ny gheddyn: agh ta’n slatt son y dreeym echeysyn ta laccal tushtey.

Raaghyn Creeney 10:13 ပူးပေါင်းရင်းမြစ်များ

Psalmyn 32:9

Ver-yms tushtey dhyt, as ynsee-ym dhyt yn raad t’ou dy ghoaill: as nee’m dty leeideil lesh my hooill.

Psalmyn 37:30

Nee’n vooinjer chairagh eiraght ’gheddyn ’sy cheer: as baghey ayn son dy bragh.

Exodus 10:12

As dooyrt y Chiarn rish Moses, Sheeyn magh dty laue harrish cheer Egypt son ny locustyn, dy jig ad seose er cheer Egypt, as dy der ad naardey ooilley glassyraght y cheer, eer ooilley ny ta’n sniaghtey-garroo er n’aagail.

Raaghyn Creeney 10:21

Ta meillyn y dooinney crauee dy ynsaghey ymmodee: agh ta ny mee-cheeayllee goll naardey son laccal creenaght.

Raaghyn Creeney 10:31

Ta beeal yn er ynrick cur magh creenaght: agh bee yn chengey vee-reiltagh giarit ass.

Raaghyn Creeney 15:23

Ta boggey ec dooinney liorish ansoor e veeal as fockle loayrit ayns traa cooie, oh, cre cha mie as te!

Raaghyn Creeney 15:7

Ta ny meillyn creeney skeayley mygeayrt tushtey: agh cha vel cree ny mee-cheeayllee jannoo shen.

Raaghyn Creeney 16:21

Eh ta creeney ayns cree, vees enmyssit keeayllagh, as ta miljid glare ny meillyn bishaghey ynsagh.

Raaghyn Creeney 17:10

Ta coyrle vie goaill greme share er dooinney creeney, na keead builley er yn ommydan.

Raaghyn Creeney 19:29

Ta kerraghey kiarit son ny craidoilee, as scuitchal son dreeym ny mee-cheeayllee.

Raaghyn Creeney 20:15

Ta airh ayn, as mooarane claghyn costal: agh ta ny meillyn lesh tushtey, roish ny jewellyn s’aalin.

Raaghyn Creeney 26:3

Ta kip son y chabbyl, streean son yn assyl, as slatt son dreeym yn ommydan.

Raaghyn Creeney 27:22

Ga dy jinnagh oo ommydan y vroo ayns mortar, mastey curnaght, lesh pestyl, foast cha jean eh scarrey rish e ommijys.

Raaghyn Creeney 6:32

Agh quoi-erbee ta brishey poosey, t’eh laccal tushtey: eshyn ta dy yannoo eh, t’eh stroie yn annym echey hene.

Raaghyn Creeney 7:22

T’eh goll geiyrt urree er-y-chooyl, myr dow gys y teigh, ny myr ommydanyn gys kerraghey ny stockyn.

Isaiah 50:4

Ta’n Chiarn Jee er choyrt dou chengey ny fir-ynsee, ry-hoi fys ’ve aym dy loayrt fockle [gerjoilagh] ayns traa cooie dasyn ta seaghnit: moghrey lurg moghrey t’eh dy my ghoostey; t’eh doostey my chleaysh dy chlashtyn myr ny fir-ynsee.

Noo Luke 4:22

As dymmyrk ad ooilley feanish lesh, as ghow ad yindys jeh ny goan graysoil haink ass y veeal echey. As dooyrt ad, Nagh nee shoh mac Yoseph?