Raaghyn Creeney 10:1 - Yn Vible Casherick 1775 1819

¹ Raaghyn creeney Solomon. Ta mac creeney gerjagh e ayrey; agh ta mac ommijagh trimshey da e voir.

Raaghyn Creeney 10:1 ပူးပေါင်းရင်းမြစ်များ

1 Reeaghyn 4:32

As loayr eh three thousaneyn dy raaghyn creeney: as va e arraneyn thousane as queig.

Raaghyn Creeney 1:1

Raaghyn creeney Solomon mac Ghavid ree Israel.

Raaghyn Creeney 13:1

Ta mac creeney clashtyn rish ynsagh e ayr: agh cha vel y craidoilagh cur geill da oghsan.

Raaghyn Creeney 15:20

Ta mac creeney jannoo ayr gennal; agh ta dooinney ommijagh soiaghey beg jeh e voir.

Raaghyn Creeney 17:21

Eshyn ta geddyn mac mee-cheeayllagh, t’eh gys e hrimshey: as s’beg y gherjagh t’ec ayr yn ommydan.

Raaghyn Creeney 17:25

Ta mac neu-chreeney trimshey da e ayr, as sherriuid jeeish dymmyrk eh.

Raaghyn Creeney 19:13

Ta ommydan dy vac seaghyn e ayrey: as ta beealerey dy ven myr faarn kinjagh ayns thie.

Raaghyn Creeney 25:1

T’ad shoh myrgeddin raaghyn creeney Solomon, ren deiney Hezekiah ree Yudah y scrieu.

Raaghyn Creeney 27:11

My vac, bee uss creeney, as jean boggey da my chree, dy voddym eddin y choyrt dasyn, nee m’y oltooaney.

Raaghyn Creeney 29:15

Ta’n slatt as oghsan dy choyrt creenaght: agh ta lhiannoo faagit da hene tayrn nearey er e voir.

Raaghyn Creeney 29:17

Smaghtee dty vac as bee fea ayd; bee eh eer gerjagh da dty annym.

Raaghyn Creeney 29:3

Eshyn shynney lesh creenaght, t’eh jannoo boggey da e ayr: agh eh ta freayll sheshaght streebee, t’eh jummal e chooid.

Ecclesiastes 12:9

As ny-sodjey na shoh, er-yn-oyr dy row yn preachoor creeney, dynsee eh yn pobble dy imneagh ayns tushtey: dy jarroo hug eh tastey vie, as hir eh magh, as hug eh dy cheilley ymmodee raaghyn creeney.

Ecclesiastes 2:19

As quoi ec ta fys nee dooinney creeney, ny ommydan vees eh? ny-yeih bee eh ny vainshtyr harrish ooilley my chooid-seihlt, ta mee dy deinagh er chosney, as ayn ta mee er hoilshaghey my chreenaght fo’n ghrian. Ta shoh myrgeddin fardail.