Raaghyn Creeney 1:5 - Yn Vible Casherick 1775 1819

⁵ Nee dooinney creeney geaishtagh, as cheet er e hoshiaght ayns ynsagh, as nee dooinney tastagh roshtyn gys coyrleyn creeney.

Raaghyn Creeney 1:5 ပူးပေါင်းရင်းမြစ်များ

2 Recortyssyn 25:16

As haink eh gy-kione myr v’eh taggloo rish, dy dooyrt y ree rish, Nee uss fer jeh fir-choyrlee yn ree? bee dty host, nonney ver-ym gy-baase oo. Eisht cha jagh y phadeyr ny-sodjey lesh, agh dooyrt eh, Ta fys aym dy vel Jee er chiarail dy stroie oo, er-yn-oyr dy vel oo er n’yannoo shoh, as nagh vel oo er n’eaishtagh rish my choyrle’s.

Lioar Yob 34:10

Shen-y-fa clasht-jee rhym’s, shiuish gheiney creeney: foddey dy row eh veih Jee, dy yannoo olk; as veih’n Ooilley-niartal, dy yannoo mee-chairys.

Lioar Yob 34:16

My ta toiggal ayd nish, clasht rish shoh; eaisht rish coraa my ghoan.

Lioar Yob 34:2

Eaisht-jee rish my ghoan, O shiuish gheiney creeney; as cur-jee clashtyn dou, shiuish gheiney tushtagh:

Lioar Yob 34:34

Lhig da deiney lowal ginsh dou, as lhig da dooinney creeney geaishtagh rhym.

Raaghyn Creeney 12:1

Eshyn shynney lesh ynsagh, shynney lesh tushtey: agh eshyn nagh gow rish oghsan, t’eh ny volvane.

Raaghyn Creeney 14:6

Ta’n kialgeyr shirrey creenaght, as cha vel eh cheet lesh: agh ta tushtey aashagh dasyn ta keeayl echey.

Raaghyn Creeney 18:15

Ta cree yn dooinney creeney cosney tushtey: as ta cleaysh y dooinney lowal shirrey son tushtey.

Raaghyn Creeney 19:25

Smaghtee yn craidoilagh, as nee yn vooinjer ôney goaill tastey: as coyrlee dooinney toiggalagh, as gowee eh tushtey.

Raaghyn Creeney 21:11

Tra ta’n craidoilagh kerrit, ta’n aegid gaase creeney: as tra ta’n toiggalagh ynsit, t’eh goaill tushtey.

Raaghyn Creeney 8:33

Eaisht-jee rish ynsagh, as bee-jee creeney, as ny obb-jee ee.

Raaghyn Creeney 9:8

Ny coyrlee yn ghannidagh, er-aggle dy der eh feoh dhyt; coyrlee yn dooinney creeney, as bee eh ayns aigney-mie rhyt.

Raaghyn Creeney 9:9

Ynsee dooinney creeney, as bee eh foast ny s’creeney; cur roish dooinney ynrick, as nee eh bishaghey ayns ynsagh.

Ecclesiastes 9:11

Ghow mee smooinaght elley, as honnick mee fo’n ghrian, nagh row yn race lesh y vieau, ny’n caggey lesh y niartal, ny foast arran ec deiney creeney ny foast berchys ec deiney tushtagh, ny foast foayr ec deiney schleioil; agh ta traa as taghyrt cheet orroo ooilley.

1 Corinthianee 10:15

Ta mee loayrt myr rish deiney creeney: briwnys-jee hene ny ta mee dy ghra.

Deuteronomy 4:6

Freill-jee er-y-fa shen, as jean-jee ad y chooilleeney, son shoh vees y chreenaght, as y tushtey eu ayns shilley ny ashoonyn, nee clashtyn ooilley ny slattyssyn shoh, as gra, Dy feer, ta’n ashoon mooar shoh pobble creeney as tushtagh.