Raaghyn Creeney 1:4 - Yn Vible Casherick 1775 1819

⁴ Dy choyrt keeayll da’n ôney, da’n dooinney aeg, toiggal as feeudys.

Raaghyn Creeney 1:4 ပူးပေါင်းရင်းမြစ်များ

Psalmyn 116:6

Ta’n Chiarn coadey adsyn ta gyn-loght: va mish ayns seaghyn, as chooin eh lhiam.

Psalmyn 119:130

Tra ta dty ghoo goll magh: te coyrt soilshey as creenaght da’n vooinjer ôney.

Psalmyn 119:9

Cre’n aght nee dooinney aeg e raaidyn y reayll glen: dy jarroo liorish reill eh-hene cordail rish dty ghoo?

Psalmyn 19:7

Ta leigh yn Chiarn ny leigh gyn foill, niartaghey yn annym: ta recortyssyn y Chiarn shickyr, as coyrt creenaght da’n vee-hushtagh.

Psalmyn 34:11

Tar-jee, shiuish chloan, as eaisht-jee rhym: ynsee-yms diu aggle y Chiarn.

Raaghyn Creeney 3:21

My vac, ny lhig ad ass dty hilley: freill yn ynrycan creenaght, as keeayll vie.

Raaghyn Creeney 8:12

Ta mish creenaght cummal marish keeayl; as toiggal bun raaghyn creeney.

Raaghyn Creeney 8:17

Shynney lhiam adsyn shynney lhieu mee, as adsyn hirrys mee dy leah, yiow ad mee.

Raaghyn Creeney 8:32

Nish er-y-fa shen, eaisht-jee rhym’s, O shiuish my chloan: son bannit t’adsyn ta freayll my raaidyn.

Raaghyn Creeney 8:5

O shiuish gyn tort, gow-jee creenaght: as shiuish vee-cheeayllagh bee-jee jeh cree toiggalagh.

Ecclesiastes 11:9

Gow boggey, O ghooinney aeg ayns dty aegid, as lhig da dty chree oo y gherjaghey ayns laghyn dty aegid, as jean gimmeeaght ayns raaidyn dty chree, as lurg shilley dty hooillyn hene: agh toig uss son ooilley ny reddyn shoh, dy der Jee lesh oo gys briwnys.

Isaiah 35:8

As bee raad-mooar ayns shen, eer raad vees enmyssit, Yn raad dy ynrickys; cha jed adsyn ta neu-ghlen er; agh bee eh son y vooinjer elley: cha lhiass da troailtee, ga dy veggan tushtey, goll er-shaghryn ayn.

Deuteronomy 4:6

Freill-jee er-y-fa shen, as jean-jee ad y chooilleeney, son shoh vees y chreenaght, as y tushtey eu ayns shilley ny ashoonyn, nee clashtyn ooilley ny slattyssyn shoh, as gra, Dy feer, ta’n ashoon mooar shoh pobble creeney as tushtagh.

2 Timothy 2:22

Chea myrgeddin veih yeearreeyn yn aegid: agh eiyr da ynrickys, credjue, graih, [as] shee, mâroosyn ta geamagh er y Chiarn ass cree glen.

Titus 2:6

Coyrlee ny deiney aegey myrgeddin dy ve sheelt-aignagh.