Raaghyn Creeney 1:31 - Yn Vible Casherick 1775 1819

³¹ Shen-y-fa nee ad gee jeh mess y raad oc hene, as bee nyn yeeilley oc jeh nyn groutyn hene

Raaghyn Creeney 1:31 ပူးပေါင်းရင်းမြစ်များ

Lioar Yob 4:8

Eer myr ta mee er vakin, dy vel adsyn ta traaue mee-chairys, as cuirr olkys, buinn y lheid cheddin.

Psalmyn 81:13

Myr shen livrey mee ad seose gys sayntyn nyn greeaghyn hene: as lhig mee daue geiyrt er ny smooinaghtyn fardalagh oc hene.

Raaghyn Creeney 12:14

Bee dooinney jeant magh lesh mieys, liorish mess e veeal, as rere obbyr e laueyn bee dooinney cooilleenit.

Raaghyn Creeney 13:2

Yiow dooinney soylley dy chooid vie liorish mess e veeal: agh bee dewilys cronney anmeenyn ny drogh-yantee.

Raaghyn Creeney 14:14

Bee eshyn ta cooyl-skyrraghtyn ayns e chree, skee jeh ny raaidyn echey hene: agh bee dooinney mie jeant magh veih hene.

Raaghyn Creeney 22:8

Eshyn ta cuirr mee-chairys, nee eh buinn fardalys: as bee soost e hranlaase er ny vrishey.

Raaghyn Creeney 5:22

Nee e vee-chairys hene yn vee-chrauee y ghreimmey, as bee eh sniemmit.

Raaghyn Creeney 5:23

Yiow eh baase gyn ynsagh, as ayns mooadys e ommijys hed eh er-shaghryn.

Raaghyn Creeney 8:36

Agh eshyn ta jannoo peccah m’oï, t’eh jannoo aggair da’n annym echey hene: adsyn ooilley ta dwoaie oc orrym’s, shynney lhieu yn baase.

Isaiah 66:4

Faag-yms ad myrgeddin fo yn shaghrynys oc hene, as ver-ym lhiam nyn aggle orroo; er-yn-oyr tra deïe mee, nagh ren fer hene freggyrt; tra loayr mee, cha ren ad clashtyn: agh ren ad olk roish my hooillyn, as reih ad shen nagh ghow mee taitnys ayn.

Jeremiah 14:16

As bee yn pobble daue t’ad phadeyrys er nyn dilgey magh ayns straïdyn Yerusalem, kyndagh rish y ghortey as y cliwe; as cha bee unnane erbee dy oanluckey ad, ad-hene, nyn mraane, ny nyn mec, ny nyn inneenyn; son neem’s kerraghey nyn mee-chraueeaght y gheayrtey magh orroo.

Jeremiah 2:19

Nee dty vee-chraueeaght hene uss y smaghtaghey, as nee dty chooyl-skyrraghtyn hene oo y gheyrey: toig er-y-fa shen, as gow tastey vie, dy vel eh ny red olk as sharroo dy vel oo er hreigeil yn Chiarn dty Yee, as nagh vel yn aggle aym’s aynyd, ta Chiarn ny sheshaghtyn flaunyssagh dy ghra.

Jeremiah 21:14

Agh neem’s shiu y smaghtaghey cordail rish mess nyn obbraghyn, ta’n Chiarn dy ghra: as nee’m aile y oaddey ’sy cheyll echey, as nee eh stroie dy chooilley nhee mygeayrt-y-mysh.

Jeremiah 6:19

Lhig da’n seihll clashtyn; cur-my-ner, ver-yms lhiam olk er y pobble shoh, eer mess ny smooinaghtyn oc hene, er-yn-oyr nagh vel ad er n’eaishtagh rish my ghoan’s, ny rish my leigh’s, agh er hoiaghey beg jeh.

Ezekiel 22:31

Shen-y-fa ta mee er gheayrtey magh my yymmoose orroo, ta mee er chur mow ad lesh aile my eulys: nyn raad hene ta mee er chooilleeney er nyn ghing hene, ta’n Chiarn Jee dy ghra.