Raaghyn Creeney 1:28 - Yn Vible Casherick 1775 1819

²⁸ Eisht nee ad geamagh orrym’s, agh mish cha der ansoor; nee ad m’y hirrey dy moghey, agh cha vow ad mee.

Raaghyn Creeney 1:28 ပူးပေါင်းရင်းမြစ်များ

Genesis 6:3

As dooyrt y Chiarn, Cha jean my spyrryd dy kinjagh streeu rish dooinney, fakin nagh vel eh hene myrgeddin agh foalley: foast bee e eash shey-feed bleïn.

Lioar Yob 27:9

Jean Jee geaishtagh rish yn eam echey tra ta seaghyn cheet er?

Lioar Yob 35:12

Shen y raad t’ad geamagh, agh cha vel fer dy reggyrt ad, kyndagh rish mooaralys drogh gheiney.

Psalmyn 18:41

Nee ad geamagh, agh cha bee unnane dy chooney lhieu: dy jarroo gys y Chiarn, nee ad geamagh, agh cha der eh clashtyn daue.

Psalmyn 18:42

Bwoaill-yms ad cha meen as y joan roish y gheay: as tilg-ym ad magh myr y laagh ayns ny straidyn.

Psalmyn 66:18

Moylley dy row gys Jee, nagh vel er hoiaghey beg jeh my phadjer: ny er hyndaa e vyghin voym.

Raaghyn Creeney 15:29

Ta’n Chiarn foddey veih ny mee-chrauee: agh t’eh clashtyn padjer y vooinjer chairal.

Raaghyn Creeney 8:17

Shynney lhiam adsyn shynney lhieu mee, as adsyn hirrys mee dy leah, yiow ad mee.

Arrane Solomon 5:6

Doshil mee da my ghraih, agh va my ghraih er n’immeeaght, as er n’gholl roish, hie e ghoan gys my annym: hir mee er e hon, agh cha dooar mee eh; deïe mee er, agh cha dreggyr eh mee.

Isaiah 1:15

As tra ta shiu skeayley magh nyn laueyn, neem’s my hooillyn y hyndaa veue: dy jarroo tra ta shiu goaill ymmodee padjeryn, cha jean-ym clashtyn: ta nyn laueyn lane folley.

Jeremiah 11:11

Shen-y-fa myr shoh ta’n Chiarn dy ghra, Cur-my-ner, ver-ym lhiam olk orroo, nagh vod ad shaghney; as ga dy n’eam ad hym, cha der-ym clashtyn daue.

Jeremiah 14:12

Tra t’ad freayll trostey, cha n’eaisht-ym rish yn accan oc; as tra t’ad jannoo oural-losht as chebballyn, cha jean-ym soiaghey jeu; agh ver-ym mow ad lesh y chliwe, as lesh y ghortey, as lesh y chramp.

Ezekiel 8:18

Shen-y-fa neem’s myrgeddin dellal roosyn ayns jymmoose; cha jean my hooill gymmyrkey lhieu, chamoo vees chymmey aym orroo: as ga dy vel ad geamagh ayns my chleayshyn lesh ard-choraa, ny-yeih cha der-ym clashtyn daue.

Hosea 5:15

Hem roym, as chyndaa-ym gys my ynnyd hene, derrey nee ad goaill-rish nyn loghtyn, as shirrey my eddin: ayns nyn seaghyn nee ad dy leah shirrey hym.

Hosea 5:6

Hed ad lesh nyn shellooyn as nyn shioltaneyn dy hirrey yn Chiarn, agh cha vow ad clashtyn voish, t’eh er n’gholl foddey voue.

Amos 8:12

As nee ad rouail veih keayn gy keayn, as veih yn twoaie eer gys y shiar, roie-ee ad noon as noal dy hirrey goo yn Chiarn, as cha vow ad eh.

Micah 3:4

Eisht nee ad geamagh gys y Chiarn, agh cha jean eh ad y chlashtyn: nee eh dy jarroo e eddin y cheiltyn voue ec y traa shen, myr t’ad er n’ymmyrkey ad-hene dy olk ayns nyn yannoo.

Zechariah 7:13

Shen-y-fa haink eh gy-kione, myr deïe eshyn, as nagh jinnagh ad clashtyn, myr shen deïe adsyn, as cha jinnin’s clashtyn, ta Chiarn ny flaunyssee dy ghra.

Deuteronomy 1:45

As ren shiu chyndaa, as dobberan kiongoyrt rish y Chiarn; agh cha n’eaishtagh y Chiarn rish nyn goraa, ny geill ’chur diu.

Jamys 4:3

Ta shiu geearree as cha vel shiu geddyn, er-y-fa dy vel shiu geearree ass y raad, dy vod shiu y vaarail eh er ny sayntyn eu hene.

1 Samuel 8:18

As nee shiu gaccan dy trome er y laa shen, kyndagh rish y ree vees shiu er reih; as cha der y Chiarn clashtyn diu er y laa shen.