Raaghyn Creeney 1:24 - Yn Vible Casherick 1775 1819

²⁴ Er-y-fa dy ren mish geamagh, as ren shiuish gobbal; ta mee er heeyney magh my laue, as cha dug dooinney erbee geill da.

Raaghyn Creeney 1:24 ပူးပေါင်းရင်းမြစ်များ

2 Recortyssyn 33:10

As loayr y Chiarn rish Manasseh, as rish e phobble: agh cha jinnagh ad geaishtagh.

2 Recortyssyn 36:16

Agh ren ad gannidys er chaghteryn Yee, as hoie ad beg jeh e ghoan, as hug ad drogh ghellal da e adeyryn derrey va jymmoose y Chiarn er ny vrasnaghey noi e phobble, nagh row saase nyn gour.

Lioar Yob 33:14

Son ta Jee loayrt keayrt as keayrt, ny-yeih cha vel dooinney cur tastey da.

Psalmyn 31:20

Lhig da ny meillyn breagagh ve er nyn goyrt nyn dhost: ta dy dewil, dy mooaralagh, as dy olkyssagh loayrt noi’n vooinjer chairagh.

Raaghyn Creeney 29:1

Eshyn ta dy mennick coyrlit, as creoghey e wannal, bee eh doaltattym er ny stroie, as shen fegooish couyr.

Isaiah 50:2

Kys ve, tra haink mee, nagh row dooinney erbee? tra deïe mee, nagh ren fer freggyrt? Vel my laue cha giare shen, nagh voddym livrey? as nagh vel pooar aym dy hauail? cur-my-ner, ec my oghsan ta mee chyrmaghey seose yn aarkey, ta mee chyndaa ny awinyn gys faasagh: ta’n eeast oc breinnaghey laccal ushtey, as goll naardey ’sy chyrmid.

Isaiah 65:12

Shen-y-fa neem’s shiuish y earroo gys y chliwe, as nee shiu ooilley croymmey gys y toyrt-mow: son tra deïe mee, cha ren shiu freggyrt; tra loayr mee, cha ren shiu clashtyn; agh ren shiu olk roish my hooillyn, as ghow shiu myr reih shen nagh by-haittin lhiam.

Isaiah 65:2

Ta mee er heeyney magh my laueyn fey-ny-laa gys pobble mee-viallagh, ta gimmeeaght ayns raad nagh row mie, lurg ny smooinaghtyn oc hene;

Isaiah 66:4

Faag-yms ad myrgeddin fo yn shaghrynys oc hene, as ver-ym lhiam nyn aggle orroo; er-yn-oyr tra deïe mee, nagh ren fer hene freggyrt; tra loayr mee, cha ren ad clashtyn: agh ren ad olk roish my hooillyn, as reih ad shen nagh ghow mee taitnys ayn.

Jeremiah 35:17

Shen-y-fa shoh myr ta’n Chiarn, Jee ny flaunyssee, Jee Israel, dy ghra, Cur-my-ner, ver-yms lhiam er Judah, as er ooilley cummaltee Yerusalem, ooilley ny huilk ta mee er n’ockley magh nyn ’oï: er-yn-oyr dy vel mee er loayrt roo, agh cha dug ad clashtyn dou; as ta mee er n’eamagh orroo, agh cha vel ad er my reggyrt.

Jeremiah 44:16

Son ny goan t’ou er ghoaill ort dy loayrt rooin ayns ennym y Chiarn, cha n’eaisht mayd rhyt.

Jeremiah 7:13

As nish er-yn-oyr dy vel shiuish er n’yannoo ooilley ny obbraghyn shoh, ta’n Chiarn dy ghra, as dy loayr mee riu, girree dy moghey as loayrt, agh nagh vel shiu er n’eaishtagh rhym; as dy vel mee er n’eamagh erriu, agh cha vel shiu er reggyrt;

Jeremiah 9:6

Ta dt’ynnyd-vaghee ayns mean molteyrys; trooid molteyrys t’ad gobbal dy chur enney orrym, ta’n Chiarn dy ghra.

Ezekiel 8:18

Shen-y-fa neem’s myrgeddin dellal roosyn ayns jymmoose; cha jean my hooill gymmyrkey lhieu, chamoo vees chymmey aym orroo: as ga dy vel ad geamagh ayns my chleayshyn lesh ard-choraa, ny-yeih cha der-ym clashtyn daue.

Zechariah 7:13

Shen-y-fa haink eh gy-kione, myr deïe eshyn, as nagh jinnagh ad clashtyn, myr shen deïe adsyn, as cha jinnin’s clashtyn, ta Chiarn ny flaunyssee dy ghra.

Jannoo 4:30

Liorish sheeyney magh dty laue dy lheihys: as dy vod cowraghyn as yindyssyn v’er nyn yannoo liorish ennym dty lhiannoo casherick Yeesey.

Romanee 10:21

Agh rish Israel t’eh gra, Fey-ny-laa ta mee er heeyney magh my laueyn gys pobble roonagh as mee-viallagh.

1 Samuel 28:6

As tra ren Saul briaght jeh’n Chiarn, cha dreggyr y Chiarn eh, liorish ashlishyn, ny liorish Urim, ny liorish phadeyryn.