Raaghyn Creeney 1:22 - Yn Vible Casherick 1775 1819

²² Caïd, shiuish vee-hushtee ver shiu rish mee-hushtey? as craidoilee goaill taitnys ayns nyn graid, as ny ommydanyn cur feoh da tushtey?

Raaghyn Creeney 1:22 ပူးပေါင်းရင်းမြစ်များ

Lioar Yob 34:7

Quoi’n dooinney ta casley rish Job, ta sluggey oltooan myr ushtey;

Psalmyn 1:1

Bannit ta’n dooinney nagh vel er n’immeeaght ayns coyrle ny mee-chrauee, ny er hassoo ayns raad peccee: as nagh vel er hoie ayns stoyl ny craidoilee;

Psalmyn 94:8

Gow-jee tastey, shiuish vee-hushtee mastey’n pobble: O shiuish ommydanyn, cuin nee shiu toiggal?

Exodus 10:3

As haink Moses as Aaron stiagh fenish Pharaoh, as dooyrt ad rish, Myr shoh ta’n Chiarn, Jee ny Hebrewnee gra, Caïd nee oo gobbal d’injillaghey oo hene kiongoyrt rhym? lhig y raad da my phobble, dy vod ad mish y hirveish.

Exodus 16:28

As dooyrt y Chiarn rish Moses, Caïd obbys shiu biallys da my haraghyn, as my leighyn?

Raaghyn Creeney 1:21

T’ee gyllagh ayns yn ynnyd smoo taaghit; ayns fosley ny giattyn: ayns yn ard-valley t’ee fockley magh ny goan eck, gra,

Raaghyn Creeney 1:29

Son dy dug ad dwoaie da tushtey, as cha ren ad reih aggle y Chiarn.

Raaghyn Creeney 1:32

Son nee shaghrynys y vooinjer vee-cheeayllagh ad-hene y chur naardey, as nee’n maynrys seihltagh ommydanyn ad-hene y stroie.

Raaghyn Creeney 1:4

Dy choyrt keeayll da’n ôney, da’n dooinney aeg, toiggal as feeudys.

Raaghyn Creeney 1:7

Ta aggle y Chiarn toshiaght tushtey: agh ta ommydanyn soiaghey beg jeh creenaght, as ynsagh.

Raaghyn Creeney 14:6

Ta’n kialgeyr shirrey creenaght, as cha vel eh cheet lesh: agh ta tushtey aashagh dasyn ta keeayl echey.

Raaghyn Creeney 15:12

Cha vel craidoilagh booiagh jehsyn ta coyrt oghsan da, chamoo nee eh taaghey marish deiney creeney.

Raaghyn Creeney 19:29

Ta kerraghey kiarit son ny craidoilee, as scuitchal son dreeym ny mee-cheeayllee.

Raaghyn Creeney 21:11

Tra ta’n craidoilagh kerrit, ta’n aegid gaase creeney: as tra ta’n toiggalagh ynsit, t’eh goaill tushtey.

Raaghyn Creeney 21:24

Craidoilagh moyrnagh as sonnaasagh ta’n ennym echeysyn, ta dy mooaralagh dellal ayns corree dewil.

Raaghyn Creeney 22:3

Ta dooinney tastagh cronnaghey yn olk ro-laue, as shaghney eh: agh ta ny mee-cheeayllee roie er nyn gione, as t’ad seaghnit.

Raaghyn Creeney 3:34

Shickyr t’eh jannoo faghid er ny craidoilee: agh t’eh coyrt grayse da ny imlee.

Raaghyn Creeney 5:12

As dy jir oo, Kys va mee dwoaiagh er ynsagh, as kys ren my chree soiaghey beg jeh coyrle.

Raaghyn Creeney 6:9

Caïd nee oo cadley, O chadleyder, cuin irrys oo ass dty chadley?

Raaghyn Creeney 7:7

As cur-my-ner mastey yn vooinjer vee-cheeayllagh, honnick mee fud yn aegid, dooinney aeg gyn tushtey,

Raaghyn Creeney 8:5

O shiuish gyn tort, gow-jee creenaght: as shiuish vee-cheeayllagh bee-jee jeh cree toiggalagh.

Jeremiah 13:27

Ta mee er vakin kys t’ou er vrishey poosey m’oï, yllaghey dty reaïd, rouanys dty vaarderys, as dty obbraghyn naareydagh er ny croink fud y vagheragh. Smerg dhyt’s, O Yerusalem! nagh bee oo er dty ghlenney? cuin vees y traa?

Jeremiah 4:14

O Yerusalem, jean dty chree y niee veih mee-chraueeaght, dy vod oo ve sauchey: caïd nee dty smooinaghtyn fardalagh cummal cheu-sthie jeed?

Earrooyn 14:27

Caïd nee’m gymmyrkey lesh y pobble roonagh shoh ta girree magh m’oï? Ta mee er chlashtyn plaiyntyn cloan Israel t’ad jannoo m’oï.

Noo Mian 17:17

Dansoor Yeesey as dooyrt eh, O heeloghe vee-chredjuagh as roonagh, caïd ta mish dy ve mêriu? caïd ta mee dy hurranse diu? cur lhiat eh hym’s ayns shoh.

Noo Mian 23:37

O Yerusalem, Yerusalem, uss ta cur dy baase ny phadeyryn, as claghey adsyn t’er nyn goyrt er chaghteraght hood, cre cha mennick as va mish aggindagh v’er haglym dty chloan cooidjagh, myr ta kiark goaill stiagh e heïn, fo my skianyn, as cha jinnagh shiu!

Noo Mian 9:13

Agh immee-jee shiuish, as ynsee-jee cre ta dy ve toiggit liorish y raa shoh, S’bare lhiam myghin na oural: son cha daink mish dy eamagh er y vooinjer chairagh, agh er peccee gys arrys.

Noo Luke 19:42

Gra, Dy beagh toiggal er ve ayd’s, dy jarroo ayd’s, ayns dty laa shoh hene, jeh ny reddyn ta bentyn rish dty hee! agh nish t’ad follit veih dty hooillyn.

Noo Ean 3:20

Son ta dy chooilley unnane ta jannoo dy holk, cur feoh da’n toilshey, chamoo t’eh cheet gys y toilshey, son nagh jig brah er ny obbraghyn echey.

2 Peddyr 3:3

Toiggal shoh hoshiaght, dy jig ayns ny laghyn s’jerree craidoilee, gimmeeaght lurg ny sayntyn oc hene,

Ashlish 22:17

As ta’n Spyrryd as ben y phoosee gra, Tar-jee. As lhig dasyn ta clashtyn, gra, Tar-jee. As lhig dasyn ta paagh cheet: As lhig da quoi-erbee saillish goaill ushtey yn vea nastee.