Raaghyn Creeney 1:12 - Yn Vible Casherick 1775 1819

¹² Lhig dooin ad y lhuggey seose bio myr yn oaie, as slane myr adsyn ta goll sheese gys ny merriu.

Raaghyn Creeney 1:12 ပူးပေါင်းရင်းမြစ်များ

Psalmyn 124:3

Veagh ny ushtaghyn, dy feer, er vaih shin: as veagh y thooilley er n’gholl harrish nyn annym.

Psalmyn 143:7

Eaisht rhym, O Hiarn, as shen dy leah, son ta my spyrryd gannooinaghey: ny follee voym dt’eddin, nagh bee’m casley roosyn ta goll sheese ayns yn oaie.

Psalmyn 28:1

Hood’s nee’m geamagh, O Hiarn my niart: ny jean beg y hoiaghey jee’m, er-aggle mannagh jean oo m’y chlashtyn, dy bee’m casley roosyn ta goll sheese gys yn oaie.

Psalmyn 35:25

Ny lhig daue gra ayns nyn greeaghyn, Shen, shen, shoh myr baillin eh: chamoo lhig daue gra, Ta shin er choyrt mow eh.

Psalmyn 5:9

Son cha vel veg y firrinys ayns e veeal: ta ny ayrnyn cheu-sthie oc eer olkys.

Psalmyn 57:3

Ver eh cooney hym veih niau: as sauee eh mee veih’n scammylt echeysyn baillish mee y stroie.

Raaghyn Creeney 1:13

Yiow mayd dy chooilley cheint dy chooid chostal, lhieenee mayd nyn dhieyn lesh spooilley.

Jeremiah 51:34

Ta Nebuchadrezzar ree Vabylon er my chur mow, t’eh er my vroo, t’eh er my yannoo saagh follym, t’eh er my lhuggey sheese myr dragon, t’eh er lhieeney e volg lesh my vee s’blaystal, as er my hilgey magh.

Dobberan 2:16

Ta ooilley dty noidyn er vosley nyn meeal dt’oï: t’ad gannidys as snaggeraght lesh nyn veeacklyn: t’ad gra, Ta shin er lhuggey seose ee: ta shoh son shickyrys yn laa va shin jeeaghyn er y hon: ta shin er gheddyn, ta shin er vakin eh.

Dobberan 2:5

Va’n Chiarn myr noid: t’eh er lhuggey seose Israel, t’eh er lhuggey seose ooilley ny plaaseyn eck: t’eh er stroie e chashtallyn lajer, as t’eh er vishaghey trimshey as dobberan er inneen Yudah.

Earrooyn 26:10

As ren y thalloo fosley e beeal, as sluggey ad sheese cooidjagh marish Korah, tra va’n cheshaght shen giarit jeh, as ren yn aile stroie daa cheead as jeih deiney as da-eed: as haink ad dy ve raaue sampleyragh.

Romanee 3:13

Ta’n scoarnagh oc oaie foshlit; lesh nyn jengey t’ad er chliaghtey molteyrys; ta pyshoon ard-nieughyn fo nyn meillyn: